અમદાવાદઃ IAS ઓફિસરને ભારે પડી ગઈ ‘પ્રસિદ્ધિ ખાંટવી’, ચૂંટણી પંચે પાછી લઈ લીધી બધી સુવિધાઓ અને કહ્યું…

Joined Ahmedabad as Observer for Gujarat Elections#Election2022 #GujaratElections2022 #NoVoterTobeleftBehindNovember pic.twitter.com/VRHUfxuqCI

— Abhishek Singh (@Abhishek_asitis) November 17, 2022

તુરંત નોડલ ઓફિસરને રિપોર્ટ કરો
યુપી કેડરના આઈએએસ અધિકારી અને અભિનેતા અભિષેક સિંહ સામે ચૂંટણી પંચ દ્વારા પગલા લેવામાં આવ્યા છે. પ્રાપ્ત વિગતો અનુસાર વર્ષ 2011 બેચના આ અધિકારીને ઓબ્ઝર્વર તરીકેની ચૂંટણી દરમિયાનની જવાબદારી સોંપવામાં આવી હતી. જોકે તે જવાબદારી સાથે તેમણે સોશિયલ મીડિયા પર ફોટોઝ શેર કરીને પ્રસિદ્ધી ખાંટવાનો પ્રયાસ કર્યો હતો. જે પછી ચૂંટણી પંચ તેમના આ પગલાથી નારાજ થયું હતું. તેમણે તુરંત ગુજરાતની ચૂંટણીમાં તેમની ઓબ્ઝર્વર તરીકેની જવાબદારી પાછી ખેંચી લીધી હતી અને તેમને તુરંત ચૂંટણી ક્ષેત્ર છોડીને પોતાના નોડલ અધિકારીને રિપોર્ટ કરવાનો આદેશ કર્યો હતો.

#Gujarat : ECI has Immediately relieved & debarred from election duty to Abhishek Singh (IAS/2011/UP) General Observer for Bapunagar & Asarwa of Ahemdabad for sharing his posting/Joining as Observer in #Instagram as publicity Stunt.
Krishan Bajpai (#IAS/2010/KN) has replaced him pic.twitter.com/COp12GCj1m

— Kaushik Kanthecha (@Kaushikdd) November 18, 2022

હવે નવા ઓબ્ઝર્વર તરીકે…
ઉલ્લેખનીય છે કે અભિષેક સિંહને અમદાવાદના બાપુનગર તથા અસારવા વિધાનસભા વિસ્તાર માટે જનરલ ઓબ્ઝર્વર તરીકેની ફરજ સોંપવામાં આવી હતી. ચૂંટણી પંચે ન ફક્ત તેમની જવાબદારીઓ પાછી ખેંચી પણ તેમની પાસેથી તેમને મળતી ઓબ્ઝર્વર તરીકેની તમામ સરકારી સુવિધાઓ પણ પાછી ખેંચી લીધી હતી. હવે તેમની જગ્યાએ કૃષ્ણ વાજપેયીને અમદાવાદના આ બંને વિસ્તારમાં ઓબ્ઝર્વર તરીકેની કામગીરી સોંપવામાં આવી છે.