રથયાત્રા પહેલા અમદાવાદ ક્રાઈમ બ્રાન્ચનો એક્સન મોડઃ 50થી વધુ ઘાતક હથિયારો જપ્ત, આરોપીઓ જેલમાં

અમદાવાદઃ અમદાવાદમાં દર વર્ષે રથયાત્રા યોજાય છે, કોરોનાના સમયમાં તે થઈ શકી ન્હોતી તેને બાદ કરતા દર વર્ષે રથયાત્રા ભારે મેદની સાથે યોજાય છે. આ રથયાત્રાને સુરક્ષિત રાખવાની જવાબદારી પણ ગુજરાત પોલીસની છે. ત્યારે દર વર્ષે આ દરમિયાનમાં પોલીસ તંત્ર ગુંડાતત્વો પર નજર રાખતી હોય છે. આ દરમિયાનના એક્શન પ્લાન પ્રમાણે અમદાવાદ ક્રાઈમ બ્રાન્ચે પિસ્તોલ, દેશી કટ્ટા સહિતના ઘાતક હથિયારોને જપ્ત કર્યા છે. રથયાત્રા નજીક આવતા ક્રાઈમ બ્રાન્ચે લગભગ 25 કરતા વધારે હથિયાર, 50થી વધારે જીવંત કારતૂસ અને અધધધ સંખ્યામાં ગુંડાતત્વોને પકડીને જેલ ભેગા કર્યા છે.