ફફડાટ… ભાવનગરમાં ચીનથી આવેલ યુવાન કોરોના સંક્રમિત થયા બાદ તેમની 2 વર્ષની ભત્રીજી પણ કોરોના સંક્રમિત

શહેરના સુભાષનગર વિસ્તારમાં રહેતા અને ચીનથી પરત આવેલા યુવાન બાદ તેમનાં ભાઈની પુત્રીનો પણ કોરોના રિપોર્ટ પોઝિટિવ આવ્યો છે.  રેપીડ ટેસ્ટ બાદ RTPCR રિપોર્ટ પણ આવ્યા બંનેના પોઝીટીવ આવ્યા છે. હાલ યુવક અને તેમની પુત્રી ના સેમ્પલ લઈ ગાંધીનગર ખાતે તપાસ અર્થે મોકલવામાં આવ્યા છે. ચીનથી પરત આવેલા યુવાન અને તેમના ભાઈની પુત્રીનો કોરોના  રિપોર્ટ પોઝીટીવ આવતા તંત્ર દોડતું થયું છે.

કોરોના ટેસ્ટની સંખ્યા વધારવાની ભાવનગરમાં તંત્રને સૂચના
ભાવનગરમાં ચીનથી આવેલા વેપારી કોરોના સંક્રમિત થતાં વેપારી યુવાનને ક્વોરન્ટીન કરી RTPCR અને જીનોમ સિક્વન્સિંગ માટે સેમ્પલ મોકલવામાં આવ્યાં છે. યુવાનના સંપર્કમાં આવેલા લોકોની ઓળખ કરી તપાસ હાથ ધરવામાં આવી છે. તો બીજી તરફ, ભાવનગર તંત્ર દ્વારા શહેર અને જિલ્લામાં કોવિડ ટેસ્ટની સંખ્યા વધારવાની પણ સૂચના આપી દેવામાં આવી છે.   હાલ આ યુવાન ઓમિક્રોનના સબ વેરિએન્ટ BF.7થી સંક્રમીત છે કે કેમ તે જાણી શકાયું નથી પરંતુ ચીનમાં જે પ્રમાણે કેસ વધ્યા છે જેને જોતા તંત્ર કોઈપણ પ્રકારની ઢીલાશ ચલાવી લે તો તે જોખમી સાબિત થાય તેમ છે. જેના કારણે તંત્રમાં સતત દોડાદોડ જોવા મળી રહી છે. ત્યારે તેમના પરિવારના સભ્યો પણ સંક્રમિત થતાં તંત્ર એક્ટિવ મોડમાં જોવા મળી રહ્યું છે.