ખેતરમાં અજાણ્યા શખસનો મૃતદેહ મળી આવતા ચકચાર, પોલીસે તપાસ આદરી

યુવકનો મૃતદેહ મળતા ચકચાર…
બાયડમાં ખુલ્લા ખેતર પાસેથી ઝાડી-ઝાંખરામાં યુવકનો મૃતદેહ મળી આવ્યો હતો. અહીં આસપાસના લોકોએ આ અંગે તત્કાલિક પોલીસને જાણ કરી અને ત્યારપછી બાયડ પોલીસ ઘટનાસ્થળ પર પહોંચી હતી. અહીં પ્રાથમિક તપાસમાં જાણવા મળ્યું કે આ યુવક બાયડના પ્રાંતવેલનો હોઈ શકે છે.

ઘટનાને કોણે અંજામ આપ્યો હશે?
નોંધનીય છે કે હજુ સુધી આ યુવકની સંપૂર્ણ ઓળખ થઈ શકી નથી. ત્યારે સવાલ એ ઉઠી રહ્યા છે કે આ યુવકનું મૃત્યુ કેવી રીતે થયું હશે. જોકે પોલીસે વધુ તપાસ આદરી દીધી છે. પરંતુ આ મૃતદેહ અંગે અને શંકા કુશંકાઓ જન્મી રહી છે.

With Input: Hitesh Sutriya