PALITANA માં મંદિર પર હુમલા બાદ તત્કાલ હર્ષ સંઘવીએ ઉચ્ચ અધિકારીઓ સાથે બેઠક કરી

ગૃહરાજ્યમંત્રી હર્ષ સંઘવીએ મામલો ઉગ્ર થતો જોઇને તત્કાલ બેઠક બોલાવી
ગૃહરાજ્યમંત્રી હર્ષ સંઘવીની અધ્યક્ષતામાં યોજાયેલી બેઠકમાં હુમલા અંગે ચર્ચા કરીને સમગ્ર વિગત જાણી હતી. હાલ આ મુદ્દે શું પગલા લેવાયા છે કે તપાસ ક્યાં પહોંચી છે તેની માહિતી પણ મેળવવામાં આવી હતી. આ બેઠકમાં IG,SP અને સ્થાનિક પોલીસના પીઆઇ સહિતના ઉચ્ચ અધિકારીઓ વીડિયો કોન્ફરન્સિંગના માધ્યમથી જોડાયા હતા. જેના પગલે પોલીસને કડકમાં કડક પગલા લેવા માટે આદેશ અપાયા હતા.

પાલીતાણા શ્રી શત્રુંજય મહાતીર્થ માં બનેલ ઘટના સંદર્ભે વીડિયો કોન્ફરન્સિંગના માધ્યમથી પોલીસ અધિકારીઓ સાથે બેઠક કરીને સઘન તપાસ હાથ ધરી,કડક પગલાં ભરવા સૂચના આપી. pic.twitter.com/gxW1UPmDWC

— Harsh Sanghavi (@sanghaviharsh) December 16, 2022

રોહીશાળા તીર્થમાં પ્રભુ આદિત્યનાથના પગલા તોડવામાં આવ્યા
અત્રે ઉલ્લેખનીય છે કે, શેત્રુંજય તિર્થમાં આવેલી રોહીશાળા તીર્થમાં પ્રભુ આદિનાથના પગલાઓને કોઇ અસામાજિક તત્વો દ્વારા ખંડીત કરી દેવામાં આવ્યા હતા. જેના પગલે જૈન સમુદાયમાં ભારો રોષની લાગણી હતી. આ અંગે આજે અમદાવાદના પાલડી ખાતે સમુદાય દ્વારા એક મીટિંગનું પણ આયોજન કરવામાં આવ્યું હતું.