રેવડી બાદ હવે રેડ કલ્ચરના રાજકારણમાં ED,CBI બાદ ગુજરાત પોલીસનું પણ પદાર્પણ?

ગઈકાલે આમ આદમી પાર્ટીની ઓફિસે પોલીસે રેડ કરી છે તેવા સમાચાર સોસીયલ મીડિયા દ્વારા જાણવા મળેલ છે.
આવા પ્રકારની કોઈ પણ રેડ શહેર પોલીસે દ્વારા કરવામાં આવી નથી.

— Ahmedabad Police અમદાવાદ પોલીસ (@AhmedabadPolice) September 12, 2022

ગોપાલ ઇટાલીયાએ પોલીસ પર લગાવ્યા આરોપ
આપના ગુજરાત પ્રદેશ પ્રમુખ ગોપાલ ઇટાલિયાએ દાવો કર્યો કે, નવરંગપુરા પોલીસ સ્ટેશનના હિતેષ ભાઇ અને પારસભાઇ નામના વ્યક્તિ દ્વારા અમારી ઓફીસમાં ઘુસીને દરોડા પાડવામાં આવ્યા હતા. જો કે તેમની પાસે કોઇ વોરન્ટ નહી હોવા છતા અમારી ઓફીસનાં તમામ ડ્રોઅર, કબાટ, કોમ્પ્યુટર બધુ જ ચેક કર્યું હતું.

અમદાવાદ પોલીસે કોઇ જ દરોડા નહી પાડવામાં આવ્યા હોવાની સ્પષ્ટતા કરી
જો કે આ અંગે અમદાવાદ પોલીસે ટ્વીટ કરીને માહિતી આપી કે, અમારા દ્વારા કોઇ જ પ્રકારના દરોડા પાડવામાં આવ્યા નથી. ત્યાર બાદ રાજનીતિ શરૂ થઇ ગઇ હતી. ભાજપ દ્વારા પણ આપ પર ખોટી બુમરાણ મચાવવાનો આરોપ લગાવવામાં આવ્યો હતો. ખુબ જ હિન કક્ષાની રાજનીતિ થઇ રહી હોવાનું બંન્નેએ એક બીજા પર આરોપ લગાવી રહ્યા છે.