આધારકાર્ડ-પાનકાર્ડે નોટબંધીની યાદ અપાવી, અનેક સ્થળે લાંબી લાંબી લાઇનો, સર્વરના બહાના હેઠળ સરકારી કર્મચારીના ઠાગાઠૈયા

આધારકાર્ડ-પાનકાર્ડ લિંકિંગ માટે જિલ્લા મથકોમાં લાંબી લાંબી લાઇનો
ગુજરાતના મોટા ભાગના જિલ્લા મથકો પર આધાર અને પાનકાર્ડનુ લિંકિંગ માટેકેન્દ્ર પર વહેલી સવારથી જ લાઇનો લાગી જાય છે. આધાર કેન્દ્રો પર વહેલી સવારથી જ લોકોની લાંબી-લાંબી લાઈનો લાગે છે. જેના કારણે ફરી એકવાર નોટબંધીની યાદો તાજી થઇ રહી છે. લોકો લાંબી લાંબી લાઇનો લાગી રહી છે. જો કે અહીં પણ સર્વર ડાઉન અને સરકારી કર્મચારીઓના લચર વલણના કારણે સ્થિતિ ખુબ જ વિપરિત બની છે. લોકોને ભારે હાલાકી વેઠવી પડી રહી છે. લોકો સવારના 6 વાગ્યાથી જ લાઈનમાં ઉભા રહી જાય છે. જો કે કેન્દ્રો પર મશીન નહી ચાલતા હોવાની અને સર્વર ડાઉન હોવાનું કહીને લોકોને ટટળાવવામાં આવી રહ્યા હોવાનું પણ કહી રહ્યા છે.

સરકારના લચર વલણથી નાગરિકો પરેશાન સવારે 6 વાગ્યાથી લાગે છે લાઇનો
લોકોનો આક્ષેપ છે કે તેમને યોગ્ય જવાબ આપવામાં નથી આવી રહ્યા. લોકો સરકારી લચર વલણથી પરેશાન છે. બીજી તરફ જો 31 તારીખ સુધીમાં આ યોગ્ય રીતે પુરૂ નહી થાય તો સરકારના વાંકે તેમને દંડ ભરવો પડશેતેવું તેમણે જણાવ્યું હતું. સરકાર અને સરકારી કર્મચારીઓના વાંકે લોકોને ધક્કા ખાવા પડી રહ્યા છે. જ્યાં જઈએ ત્યાં લાંબી લાંબી લાઇનો હોય છે. આખો આખો દિવસ લાઇનમાં કાઢવો પડે છે. લોકો કામ ધંધા મુકીને અહીં લાઇનોમાં ઉભા રહેવા માટે મજબુર બન્યા છે.