AHMEDABAD માં યુવક જ્યાં સુધી મર્યો નહી ત્યાં સુધી તેના પર ગાડી ચડાવી

વસ્ત્રાલમાં 10 લાખ રૂપિયાની લેતીદેતી મુદ્દે લોહિયાળ જંગ
વસ્ત્રાલ વિસ્તારમાં દસ લાખ રૂપિયાની લેતી દેતી મુદ્દે સમાધાન કરવા ભેગા થયેલા મૌલિક જોશી અને રાજન પરિહાર સમાધાન કરીને પરત ફરતા હતા. આ બંન્ને બુલેટ પર હતા તે દરમિયાન ગાડી પર આવેલા આરોપીઓએ તેના પર ગાડી ચડાવી દીધી હતી. મૌલિક જોશી નીચે પટકાતા ગાડી ચાલકે ગાડી રિવર્સ લઇને તેના પર ગાડી ચડાવી દીધી હતી. જેથી મૌલિક જોશીનું ઘટના સ્થળે જ મોત નિપજ્યું હતું. જ્યારે રાજન પરિહારને ગંભીર સ્થિતિમાં હોસ્પિટલ ખાતે ખસેડાયો છે.

સમાધાન માટે બોલાવ્યા અને પછી ગાડી ચડાવી દીધી
સમગ્ર બનાવ અંગે રામોલ પોલીસ સ્ટેશન પીઆઇના જણાવ્યા અનુસાર રૂપિયાની લેતીદેતીમાં આ બનાવ બન્યો છે. હાલ આ અંગે હત્યાનો ગુનો દાખલ કરવા માટેની પ્રક્રિયા હાથ ધરાઇ છે. જે વ્યક્તિ ઘાયલ છે તેને હોસ્પિટલમાં ખસેડાયો છે. જ્યાં તેની સારવાર ચાલી રહી છે. અત્રે ઉલ્લેખનીય છે કે, અમદાવાદમાં પોલીસ માત્ર હવે નામ પુરતી જ રહી છે. કાયદો અને વ્યવસ્થાનો કોઇને પણ ડર નથી રહ્યો. 24 કલાકનાં સમયમાં બે હત્યા થઇ છે.