અમરેલીમાં પૂરમાં તણાયા વનરાજ, વિડીયો જોઈ જીવ તાળવે ચોટશે

રાજ્યમાં 100 ટકાથી વધુ વરસાદ વરસી ચૂક્યો છે. સતત વરસતા વરસાદના પગલે અનેક વિસ્તારોમાં પાણી ભરાયા છે. વરસાદને કારણે વન્યપ્રાણીઓ પણ અનેક મુશ્કેલીનો સામનો કરી રહ્યા છે ત્યારે અમરેલી-લીલીયાના બૃહદ ગીરના જંગલ વિસ્તારમાં અંનરાધાર વરસાદના પુરમાં ડાલામથ્થો સિંહ તણાયો હતો અને તેમનો વિડીયો વાઇરલ થયો છે. વાઇરલ વિડિયોમાં ડાલામથ્થા સિંહે પુરના પ્રકોપ સામે ઝીંક ઝીલતો જોવા મળી રહ્યો છે અને પુરના ધસમસ્તા પ્રવાહમાં વનરાજા તરીને બહાર નીકળ્યા હતા અને તેમનો જીવ બચ્યો હતો.

જંગલના રાજા સિંહે જીવ બચાવવા પુરના પાણી સામે ઝીંક ઝીલી હતી અને આ વિડીયો વાઇરલ થયો છે. લીલીયાના ટિબડી ભોરિંગડા રોડ પરની ખારી નદીમાં સિંહ તણાયો હતો. આફ્રિકાના જંગલોમાં ઘટતી ઘટના લીલીયાના બૃહદ જંગલ વિસ્તારમાં જોવા મળી છે. પુરના પાણીમાં તણાતાં સિંહે જીવ બચાવ્યાનો અકલ્પનિય ઘટનાનો વીડિયો મોબાઈલ કેમેરામાં કેદ થયો છે. આ મામલે વનવિભાગ અજાણ છે.

અમરેલી-લીલીયાના બૃહદ ગીરના જંગલના ડાલામથ્થા સિંહનો વિડીયો થયો વાયરલ.

ગઈકાલે પડેલા અંધરાધાર વરસાદના પુરમાં સિંહ તરતો દેખાય છે.

પાણીના ધસમસતા પ્રવાહમાંથી જીવ બચાવતો સિંહ તરીને નીકળ્યો બહાર.

લીલીયાના ટિબડી ભોરિંગડા રોડ પર ખારા નદીની ઘટનાનો વીડિયો આવ્યો સામે. pic.twitter.com/WvKJNdghsj

— Gujarat Tak (@GujaratTak) September 17, 2022