તિથળ દરિયામાંથી ગણેશજીની વિશાળ 80 કિલોની પ્રતિમા મળી આવી, મોટા પ્રમાણમાં લોકોનાં ટોળા

જો કે સ્થાનિકોનો દાવો છે કે, આ પ્રતિમા ખુબ જ પ્રાચીન હોય તેવું લાગી રહ્યું છે. ત્યારે બીજી તરફ મળતી માહિતી અનુસાર લોકો અહીં જ દરિયા કિનારે મંદિર બનાવવાની ઇચ્છા વ્યક્ત કરી રહ્યા છે. પ્રતિમાની બનાવટ ખૂબ જ સુંદર અને પૌરાણિક લાગી રહી છે. અત્યંત પ્રાચિન લાગતી આ મુર્તિ હાલનાં કારીગરોથી પણ ન બનાવી શકાય તેવી છે. જો કે આ મુર્તિ મનોજ ભાઈ નામનાં એક વ્યક્તિ દરિયા કિનારે રાત્રે જમ્યા બાદ આંટો મારવા માટે નિકળ્યા હતા. ત્યારે અચાનક તેમને આ પ્રતિમા અચાનક દેખાઇ હતી. જેથી તેમણે તત્કાલ પોતાના ઘરે તથા આસપાસના લોકોને જાણ કરી હતી. તત્કાલ દરિયા કિનારે સેંકડો લોકોની ભીડ એકત્ર થવા લાગી હતી. ત્યાર બાદ પ્રતિમાને બહાર કાઢીને જોતા ગણપતિ બાપાની પ્રતિમા હોવાનું સામે આવ્યું છે.

આ પ્રતિમા બાબતે લોકો એકત્ર થવા લાગ્યા હતા. ત્યાર બાદ બધાએ મુર્તિને એક સ્વચ્છ સ્થળે પધરાવી હતી. ત્યાર બાદ સ્થાનિક પોલીસને જાણ કરવામાં આવી હતી. પોલીસે ઘટના અંગે માહિતી મળતા સંબંધિત અધિકારીને જાણ કરી હતી અને પોતે પણ ઘટના સ્થળે પહોંચી હતી. જો કે સ્થાનિક લોકોની માંગ છે કે, આ મુર્તિને અહીં જ રહેવા દેવામાં આવે. તેઓ અહીં જ ભગવાન ગણેશનું મંદિર બનાવવાની ઇચ્છા વ્યક્ત કરી હતી.