AMRELI માં 3 ઇંચ વરસાદ: ભર ઉનાળે નદીમાં પુર આવતા આખે આખો ખટારો તણાઇ ગયો

અમરેલી-રાજુલાના ગ્રામ્ય વિસ્તારોમાં ભારે પવન સાથે ધોધમાર વરસાદ
અમરેલી-રાજુલાના ગ્રામ્ય વિસ્તારમાં ભારે પવન સાથે ધોધમાર વરસાદ પડતા આ વિસ્તારમાં 3 ઇંચ કરતા વધારે વરાદ ખાબક્યો હતો. જળબંબાકાર જેવી સ્થિતિ સર્જાઇ હતી. અમરેલીના વાતાવરણમાં થયેલા ફેરફારની સૌથી વધારે અસર જોવા મળી રહી છે. ભારે વરસાદના કારણે સ્થિતિ ખુબ જ વિકટ બની છે. અમરેલીના મોટા સમઢીયાળા, ખોડી, રુગનાથપુરમાં ભારે વરસાદ પડ્યો હતો. જેના કારણે ચોમાસામાં જોવા મળે તેવા દ્રશ્યો સર્જાયા હતા. ખેતરોમાં જળબંબાકારની સ્થિતિ સર્જાઇ હતી.

બાબરીયાધાર સહિતના ગીરના વિસ્તારોમાં ધોધમાર
બાબરીયાધાર, બરબરટાણા વિસ્તારમાં 3 ઇંચ કરતા વધારે વરસાદ ખાબક્યો હતો. જેના કારણે શેરીઓમાં નદીઓ વહેતી થઇ હતી. ધીરે ધીરે નદીમાં પુર આવ્યું હતું. ત્યાર બાદ ધસમસતો પ્રવાહ નદીમાં વહેતો થયો હતો. બાબરીયાધારની ઘીયળ નદીમાં પુરની સ્થિતિ સર્જાઇ હતી. આ ધસમસતા પ્રવાહમાં ટ્રક વચ્ચે આવી જતા ટ્રક તણાવા લાગ્યો હતો. જેમાં પાંચ લોકો ફસાયા હતા. જો કે GRD જવાનો દ્વારા તમામ લોકોને બચાવી લેવામાં આવ્યા હતા. તમામના રેસક્યું બાદ જીવ થાળે પડ્યો હતો.