બાવળા-બગોદરા હાઈવે પર ગમખ્વાર અકસ્માત, ચાલકે કાબૂ ગુમાવતા ટ્રક પાછળ ધડાકાભેર અથડાઈ કાર; 2 યુવકોના નિધન

Accident News: રાજ્યમાં અવાર-નવાર અકસ્માતની ઘટનાઓ સામે આવતી હોય છે, ત્યારે રાજ્યમાં આજે વધુ એક અકસ્માત સર્જાયો છે. જેમાં બગોદરા હાઈવે પર ભામાશરા પાસે કાર ચાલકે સ્ટિયરિંગ પર કાબૂ ગુમાવતા કાર ધડાકાભેર આગળ જતી ટ્રક પાછળ અથડાઈ હતી. આ અકસ્માત એટલો ભયાનક હતો કે કારમાં સવાર બે યુવકોના ઘટના સ્થળે જ કમકમાટીભર્યા મોત નિપજ્યાં હતા. જ્યારે 2 લોકો ઈજાગ્રસ્ત થતાં તેઓને સારવાર અર્થે હોસ્પિટલમાં ખસેડવામાં આવ્યા હતા. હાલ સમગ્ર મામલે બગોદરા પોલીસે તપાસ હાથ ધરી છે.