VADODARA માં હિંસક હિપ્પોના કારણે ઝૂ ક્યૂરેટર સહિત 2 ગંભીર, અતિશય લોહી વહી જવાથી ગંભીર

સયાજીબાગમાં અનેક હિંસક પશુઓ પરંતુ આવી ઘટના પ્રથમવાર બની
સયાજીબાગમાં વિવિધ પ્રકારનાા હિંસક પ્રાણીઓ છે. પ્રાણી સંગ્રહાલયમાં ઝૂ ક્યુરેટર તરીકે પ્રત્યુષ પાટણકર ફરજ બજાવે છે. તેઓ સમયાંતરે ઝૂ ક્યુરેટર સિક્યુરિટી ગાર્ડ સાથે પ્રાણીઓની આરોગ્યલક્ષી તપાસ માટે અવારનવાર જતા હોય છે. આજે પણ પોતે સિક્યુરિટી જવાન મનોજભાઇ સાથે આરોગ્યલક્ષી રાઉન્ડ પર નિકળ્યાં હતા. ઝૂ ક્યુરેટર મનોજભાઇને હિપોપોટેમસને રખાયેલા પિંજરામાં ગયા હતા. દરમિયાન હિપોપોટેમસે અચાનક ઝૂ ક્યુરેટર પ્રત્યુષ પાટણકર અને મનોજભાઇ પર જીવલેણ હુમલો કર્યો હતો. અધિકારી અને સિક્યુરિટી ગાર્ડ કંઇ પણ વિચારે તે પહેલા જ હિપ્પોપોટેમસે જીવલેણ હુમલો કર્યો હતો. જેના કારણે બંન્ને સ્થળ પર જ પડી ગયા હતા. અન્ય સ્ટાફે બંન્નેને બહાર કાઢ્યા હતા.

બંન્નેને તત્કાલ સારવાર માટે ICU માં ખસેડવામાં આવી
ઇજાગ્રસ્ત ક્યુરેટરને તત્કાલ સારવાર માટે ખસેડવામાં આવ્યા હતા. બંન્નેને તત્કાલ સારવાર માટે ICU માં દાખલ કરવામાં આવ્યા હતા. લોહી મોટા પ્રમાણમાં વહી જવાના કારણે બંન્નેની સ્થિતિ ગંભર છે. તબીબો દ્વારા તેઓનું MRI કરવા તજવીજ હાથ ધરાઇ હતી. જો કે બ્લિડિંગ નહી અટકતા ફરી આઇસીયુમાં દાખલ કરી દેવાયા હતા. જો કે હજી સુધી કયા કારણથી હિપ્પોએ આવો હિંસક હુમલો કર્યો તેનું કારણ શોધવાના પ્રયાસો શોધાઇ રહ્યા છે. હાલ તો સમગ્ર ઘટનાને કારણે ઉચ્ચ અધિકારીઓ દોડતા થયા છે.