સાંસદ લાલુ પટેલના ફાર્મહાઉસ પર 15 વર્ષીય બાળકનું સ્વીમીંગ પુલમાં ડુબવાથી મોત, પાર્ટી કરવા ગયો હતો પરિવાર

આજે વેકેશન પૂર્ણ થયું અને સ્કૂલ શરૂ થઈ છે. આ દરમિયાન બાળકો હજુ વેકેશનના મૂડમાં છે. ત્યારે જન્મદિવસની ઉજવણી કરવા માટે દમણ દિવ સાંસદ લાલુ પટેલના ફાર્મહાઉસ પર ગયેલ પરિવાર સાથે દુખદ ઘટના ઘટી છે. જેમાં 15 વર્ષીય નીવ પટેલ સ્વિમિંગપુલ માં ન્હાવા ઉતર્યો હતો. આ દરમિયાન પાણીમાં અચાનક બેભાન થઈ ગયો હતો. આ દરમિયાન તાત્કાલિક સારવાર માટે નિવને મરવડ હોસ્પિટલ લઈ જવામાં આવ્યો હતો. ત્યારે ફરજ પરના ડોક્ટરે નિવને મૃત જાહેર કર્યો હતો.

પાર્ટી કરવા પહોંચ્યા હતા રિસોર્ટ પર
દીવ- દમણના સાંસદ લાલુ પટેલ ના ફાર્મહાઉસ પર ઉમરસાડીનો પરિવાર જન્મદિવસની ઉજવણી કરવા માટે પહોંચ્યો હતો. આ દરમિયાન પાર્ટીની તૈયારી વચ્ચે બાળકો સ્વિમિંગપુલમાં ન્હાવા ઉતાર્યા હતા. પરંતું પાર્ટીના મૂડમાં રહેલ પરિવાર પર અચાનક આફત આવી અને 15 વર્ષીય નિવનું ફાર્મહાઉસમાં આવેલ સ્વિમિંગપુલમાં દુબવાથી મોત થયું છે. જોકે આ ઘટનાની જાણ પોલીસને કરતાં દમણ કોસ્ટલ પોલીસનો કાફલો સાંસદ સભ્ય લાલુ પટેલના ફાર્મહાઉસ પર પહોંચ્યો હતો અને અકસ્માતનો ગુનો નોંધી વધુ તપાસ હાથ ધરી છે.

(વિથ ઈનપુટ: કૌશિક જોશી, સેલવાસ)