પહેલા રૂ. 300માં 1GB ડેટા મળતો, હવે માત્ર રૂ. 10માં 1GB મળે છેઃ નરેન્દ્ર મોદી

ઈન્ટરનેટ સસ્તા થયા એટલે 4થી 5 હજારની બચતઃ મોદી
વડાપ્રધાન નરેન્દ્ર મોદીએ પહેલા તો દરેકના મોબાઈલની ફ્લેશ શરૂ કરાવી હતી. તે પછી કહ્યું કે, દુનિયામાં મોબાઈલ ફોનના ડેટા સસ્તામાં સસ્તા ક્યાય હોય તો તે ભારતમાં છે. દિલ્હીમાં જ્યારે કોંગ્રેસનની સરકાર હતી ત્યારે 1 જીબી ડેટાના 300 રૂપિયા થતા હતા. આજે આ મોદીની સરકાર પછી માત્ર 10 જ રૂપિયા થાય છે. અત્યારે જે તમે લોકો મોબાઈલનો ઉપયોગ કરો છો તેવો વપરાશ પહેલાની સરકારમાં કરતા હોત તો 4થી 5 હજાર બીલ આવ્યું હોત. આજે મોદી સરકારની નીતિઓનું પરિણામ છે કે અઢીસો ત્રણસો રૂપિયામાં તમારો ફોન ચમકાવી રહ્યો છે. મતલબ થયો કે જેમની પાસે મોબાઈલ છે ને તેમના મહિને 4, 5 હજાર એમ જ બચી રહ્યા છે. આ કામ મોદી સરકારે કર્યું છે.

મોબાઈલનો ડેટા અને રોશનીનો ચમકારોએ ભારતની પ્રગતિ અને સામર્થ્યનો ચમકારો છે#કમળ_સાથે_દક્ષિણ_ગુજરાત pic.twitter.com/nXXsZ5IsAI

— BJP Gujarat (@BJP4Gujarat) November 19, 2022