Viral Marksheet: NEET ની પરીક્ષામાં આવ્યા 705 માર્કસ પણ ધોરણ 12 ના પરિણામે ભાંડ ફોડ્યો! વિદ્યાર્થીની બે વિષયમાં નાપાસ

Viral NEET Marksheet: હાલ NEET પરીક્ષાને લઈને સોશિયલ મીડિયા પર ભારે હોબાળો ચાલી રહ્યો છે. મેડિકલ સ્ટુડન્ટ્સ NEET Scam હેશટેગ સાથે ટ્વિટ કરી રહ્યાં છે. NTA વિરુદ્ધ સુપ્રીમ કોર્ટમાં અરજીઓ કરવામાં આવી છે અને પરીક્ષા ફરીથી લેવાની માંગ કરવામાં આવી રહી છે. રસ્તાથી લઈને સોશિયલ મીડિયા સુધી વિદ્યાર્થીઓ વિરોધ કરી રહ્યા છે.તમામ આરોપો વચ્ચે એક વિદ્યાર્થીની માર્કશીટ પણ સોશિયલ મીડિયા પર વાયરલ થઈ રહી છે, જેમાં વિદ્યાર્થીએ NEET પરીક્ષામાં 720માંથી 705 માર્ક્સ મેળવ્યા છે. જો કે હજુ સુધી આ માર્કશીટની સત્યતાની પુષ્ટિ થઈ નથી, પરંતુ લોકો તેના પર અનેક પ્રકારની પ્રતિક્રિયાઓ આપી રહ્યા છે.

વાયરલ માર્કશીટ બતાવી રહી છે પડદા પાછળનું સત્ય?

સોશિયલ મીડિયા પર વાયરલ NEET પરીક્ષાની માર્કશીટમાં વિદ્યાર્થીએ સારા માર્ક્સ મેળવ્યા છે પરંતુ બીજી તરફ, તે તેની 12માની માર્કશીટમાં ભૌતિકશાસ્ત્ર અને રસાયણશાસ્ત્રના વિષયોમાં નાપાસ થઈ છે. વાયરલ થઈ રહેલી માર્કશીટ મુજબ, વિદ્યાર્થીએ ધોરણ 12માં ફિઝિક્સ થિયરીના પેપરમાં 100માંથી 21 માર્કસ અને પ્રેક્ટિકલમાં 50માંથી 36 માર્કસ મેળવ્યા છે. જ્યારે કેમિસ્ટ્રી થિયરીમાં તેને 100 માંથી 21 અને પ્રેક્ટિકલમાં તેને 50 માંથી 33 મળ્યા. જ્યારે NEET UG પેપરમાં, રસાયણશાસ્ત્રના પેપરમાં 99.861 પર્સન્ટાઇલ માર્ક્સ અને ફિઝિક્સના પેપરમાં 99.8903 પર્સન્ટાઇલ માર્ક્સ પ્રાપ્ત થયા છે.

#NEET_SCAM

Neet exam में 705 नंबर पाने वाला फ़िज़िक्स/केमिस्ट्री में फेल

Neet aspirants के अभ्यर्थियों को न्याय दो@yadavakhilesh @myogiadityanath @narendramodi pic.twitter.com/oRylDOxwbH
— Dr Avdhesh Yadav (@Avdheshyadavsp) June 10, 2024

NTAનું કૌભાંડ આવ્યું સામે!

આ પરિણામ જોયા બાદ યુઝર્સ કહી રહ્યા છે કે, 12મા સાયન્સના મુખ્ય વિષયમાં નાપાસ થયેલો વિદ્યાર્થી NEET પરીક્ષામાં આટલા સારા માર્ક્સ કેવી રીતે મેળવી શકે. ઘણા સોશિયલ મીડિયા હેન્ડલ્સ વિદ્યાર્થીની માર્કશીટ શેર કરી રહ્યા છે અને સવાલ ઉઠાવવામાં આવી રહ્યો છે કે શું આ NTAનું કૌભાંડ છે કે નહીં. જો કે હજુ સુધી આ સ્પષ્ટ થયું નથી. શું આ દાવો સાચો છે કે પછી સોશિયલ મીડિયા પર વાયરલ થયેલા ટ્વિટ્સ માત્ર પ્રચાર છે.

પેપર લીક થયાની વાતને NTA એ ફગાવી

નેશનલ ટેસ્ટિંગ એજન્સી (NTA) એ નિર્ણય લીધો છે કે એક ઉચ્ચ-સત્તાવાળી સમિતિ 1,600 વિદ્યાર્થીઓની ફરિયાદોનું વિશ્લેષણ કરશે જેઓ NEET 2024 માટે પહેલેથી જ હાજર થઈ ચૂક્યા છે. કેન્દ્ર સરકારે પણ NEET 2024 પેપર લીક પર પ્રતિક્રિયા આપી છે. પ્રેસ કોન્ફરન્સ દરમિયાન ઉચ્ચ શિક્ષણ સચિવે જણાવ્યું હતું કે માત્ર સવાઈ માધોપુરમાં જ કેન્દ્રમાંથી વિદ્યાર્થીઓ પેપર લઈને બહાર નીકળ્યા હોવાનો કિસ્સો સામે આવ્યો છે. ત્યારે ત્યાં પરીક્ષા બંધ કરી નવા પેપર સાથે ફરીથી પરીક્ષા લેવામાં આવી હતી. માત્ર 6 કેન્દ્રો પર જ સમસ્યા આવી છે. બાકી બધે NEET પરીક્ષા કોઈપણ ભૂલ વગર પૂર્ણ થઈ હતી. પેપર લીક જેવી કોઈ ઘટના બની નથી. તે જ સમયે, NTA એ પરીક્ષાની તપાસ માટે એક સમિતિની રચના કરી હતી. કમિટી એક સપ્તાહમાં પોતાનો રિપોર્ટ આપશે.

પરીક્ષામાં થયો ગોટાળોઃ શિવાંગી મિશ્રા

આ અરજીમાં વિદ્યાર્થિનીએ NEET-UG પરીક્ષા ફરીથી યોજવાની માંગ કરી છે. વિદ્યાર્થિનીનો આરોપ છે કે NEET-UG પરીક્ષામાં ગોટાળો થયો છે. જેના સંકેત પરિણામોમાં પણ સ્પષ્ટ જોવા મળી રહ્યા છે. પરીક્ષાના પરિણામ બાદ NEET-UG પેપર લીક સ્કેમ પર રાજકારણ ગરમાયું છે. તો ચાલો જાણીએ શું છે સમગ્ર મામલો અને શું NEET-UG પરીક્ષા ફરી લેવામાં આવી શકે છે?