School Girl Marksheet Viral: ગજબ કે'વાય! દાહોદની વિદ્યાર્થિનીનું પરિણામ જોઈ તમે ગોથા ખાય જશો

પરિણામ જોઈને આશ્ચર્યચકિત થઈ જશો

ધોરણ 4 ની વિદ્યાર્થીની વંશીબેન મનીષભાઈને જ્યારે શાળામાંથી માર્કશીટ મળી ત્યારે તેણીને બે વિષયોમાં માર્કસ જોઈને આશ્ચર્ય થયું કારણ કે તેણીએ આ વિષયોમાં વધુમાં વધુ માર્કસ મેળવ્યા હતા. વંશીબેને ગુજરાતી વિષયમાં 200 માંથી 211 અને ગણિત વિષયમાં 200માંથી 212 માર્કસ મેળવ્યા હતા. સ્કૂલ ગર્લનું આ પરિણામ સોશિયલ મીડિયા પર વાયરલ થઈ રહ્યું છે. બાદમાં પરિણામ તૈયાર કરતી વખતે ભૂલ થઈ હોવાનું જણાયું હતું. આ પછી, સુધારેલું પરિણામ જાહેર કરવામાં આવ્યું હતું, જેમાં 200 માંથી 191 માર્કસ ગુજરાતીમાં અને 200 માંથી 190 માર્કસ ગણિતમાં આપવામાં આવ્યા હતા. જો કે, અન્ય વિષયો બદલાયા નથી. નવા પરિણામમાં વંશીબેનને 1000માંથી 934 માર્કસ આવ્યા છે.

જ્યારે વિદ્યાર્થીની તેના પરિવારજનોને બતાવ્યું તો ભૂલ આવી સામે

સ્કૂલની ભૂલ ત્યારે સામે આવી જ્યારે વિદ્યાર્થીએ તેના પરિવારને સ્કોરકાર્ડ બતાવ્યું. જ્યારે પરિવારના સભ્યોએ તે માર્કશીટ ધ્યાનથી જોયું તો ભૂલો બહાર આવી હતી. આ ભૂલના જવાબમાં, જિલ્લા શિક્ષણ અધિકારીઓએ ભૂલનું કારણ નક્કી કરવા અને ભવિષ્યમાં આવી ઘટનાઓને રોકવા માટે તપાસ શરૂ કરી છે.

શિક્ષકથી કોપી-પેસ્ટિંગમાં ભૂલ થઈ

આ અંગે જિલ્લા શિક્ષણાધિકારીએ તપાસ શરૂ કરી છે. શાળાની ભૂલ પર શિક્ષણ વિભાગે સત્તાવાર નિવેદન જાહેર કરીને કહ્યું હતું કે, પરિણામ સોશિયલ મીડિયા પર વાઈરલ થયા બાદ પ્રિન્સિપાલના ધ્યાને બાબત લાવવામાં આવી હતી. પ્રાથમિક તપાસમાં જાણવા મળ્યું છે કે પરિણામ આસિસ્ટન્ટ શિક્ષક દ્વારા તૈયાર કરાયું હતું. તેમણે કોપી-પેસ્ટિંગમાં ભૂલ થઈ હોવાનું સ્વીકાર્યું હતું.

આ પણ વાંચો:- VIDEO: રાજકોટમાં શું ક્ષત્રિયોનો બદલાયો સૂર? એક વાયરલ ચિઠીથી બદલાશે સમીકરણ