Vadodara Accident: વડોદરામાં ટ્રકે બાઈકને અડફેટે લેતા પતિ-પત્નીનું કરુણ મોત, 2 બાળકોનો ચમત્કારિક બચાવ

Vadodara Accident News: વડોદરાના ડભોઈ તાલુકામાં બેફામ દોડતા ટ્રકે પરિવારનો માળો વિખેરી નાખ્યો. ડભોઈનો 24 વર્ષીય યુવક બે બાળકો અને પત્ની સાથે સાળીના ઘરેથી પોતાના ઘરે જઈ રહ્યો હતો. દરમિયાન પુરઝડપે આવી રહેલી ટ્રેક ટક્કર મારતા પરિવાર ફંગોળાયો હતો. જેના કારણે પતિ તથા પત્નીને માથાના ભાગે ગંભીર ઈજા પહોંચતા તેમનું કરુણ મોત નિપજ્યું હતું. અકસ્માત બાદ ટ્રક ચાલક ત્યાંથી ફરાર થઈ ગયો હતો. પોલીસે હાલમાં ચાલક વિરુદ્ધ ગુનો નોંધીને તપાસ શરૂ કરી છે.