Vadodara માં 3 નકલી પોલીસકર્મી ઝડપાયા, ખેત મજૂરના ઘરે દારૂની રેડ કરવા ગયા અને પોતે જેલ ભેગ થઈ ગયા

Vadodara News: ગુજરાતમાં ક્યારેક નકલી અધિકારીઓ તો ક્યારેક મંત્રીના નકલી PA ઝડપાઈ રહ્યા છે. હવે તો પોલીસ પણ નકલી ઝડપાઈ રહી છે. વડોદરામાં શિનોર તાલુકામાં આવેલા મોટા કરાળા ગામમાં ખેતમજૂરને ત્યાં ઈકો કારમાં 3 નકલી પોલીસકર્મીઓ રોડ પાડવા પહોંચ્યા હતા. જોકે આ અંગે માહિતી મળતા જ પોલીસ પેટ્રોલિંગની કાર ત્યાં પહોંચી હતી અને તપાસ કરતા ત્રણેય યુવકો પાસે પોલીસનું કોઈ ઓળખ કાર્ડ ન હોવાનું સામે આવ્યું હતું. જે બાદ ત્રણેય નકલી પોલીસકર્મીઓની અટકાયત કરી લેવામાં આવી હતી.