Surat News: સુરતમાં સ્પા સંચાલકની લુખ્ખી દાદાગીરી, યુવતીએ પગાર માગતા મારામારી કરી

15 દિવસનો પગાર બાકી હતો

વિગતો મુજબ, સુરતના પાલ વિસ્તારમાં આવેલા ભાગ્યરત્ન એપાર્ટમેન્માં પીપલ્સ વેલનેશ સ્પા સેન્ટરનો એક વીડિયો સોશિયલ મીડિયામાં વાઈરલ થયો હતો. જેમાં સ્પામાં કામ કરતી યુવતી 15 દિવસનો બાકી પગાર લેવા માટે ગઈ હતી. ત્યારે પિયુષ ગાંધી નામના સ્પા સંચાલકે પગાર આપવાની ના પાડતા બોલાચાલી થઈ હતી.

સ્પા સંચાલકે કરી ઝપાઝપી

આ દરમિયાન પિયુષ ગાંધીએ યુવતી સાથે ઝપાઝપી કરી અને ચહેરા પર લાફો મારી દીધો હતો, અને યુવતીને સ્પામાંથી બહાર કાઢી મૂકી હતી. સમગ્ર ઘટનાનો વીડિયો કેમેરામાં કેદ થયો હતો, જે વાઈરલ થતા સ્પા સંચાલક સામે લોકોએ રોષ વ્યક્ત કર્યો હતો.

(ઈનપુટ: સંજયસિંહ રાઠોડ, સુરત)