સુરતમાં રોડ પર દોડતી સિટી બસમાંથી પડી ગયેલા મુસાફર પર ટાયર ફરી વળ્યું, 2 સેકન્ડમાં કરુણ મોત

મુસાફરનું ઘટના સ્થળે જ મોત નિપજ્યું
CCTVમાં કેદ થયેલી આ તસવીરો સુરતના કતારગામ દરવાજા વિસ્તારની છે. તમે તસવીરોમાં જોઈ શકો છો કે બુધવારે બપોરે લગભગ 2:32 વાગ્યે એક વાદળી રંગની બસ રોડ પરથી પસાર થઈ રહી હતી, આ દરમિયાન બસના દરવાજે ઉભેલો એક મુસાફર અચાનક રોડ પર આવી ગયો અને બસનું પાછળનું ટાયર તેના ઉપર ચડી ગયું અને તેનું ઘટનાસ્થળે જ મોત નીપજ્યું. સમાચાર મળતા જ પોલીસની ટીમ પણ ઘટનાસ્થળે પહોંચી ગઈ હતી.

અકસ્માતમાં મૃતક યુવકની ઓળખ સિંગણપોર વિસ્તારમાં આવેલી વિશ્રામ નગર સોસાયટીમાં રહેતી 38 વર્ષીય સુબ્રતી સફરખાન તરીકે થઈ હતી. જેઓ સુરત મ્યુનિસિપલ કોર્પોરેશનની સિટી બસ નંબર 254માં ચડ્યા બાદ કતારગામ ફાટક પાસે અકસ્માતનો ભોગ બન્યો હતો.

સુરતમાં સિટી બસમાંથી પડી ગયેલા મુસાફર પર બસનું ટાયર ફરી વળતા મોત, ઘટના સીસીટીવીમાં કેદ થઈ#Surat #Accident #GujaratiNews pic.twitter.com/6FBhB0y772

— Gujarat Tak (@GujaratTak) July 27, 2023