સુરતના પરિયા ગામની ગૌચર જમીન જેટકોને ફાળવવા સામે ખેડૂતો-ગ્રામજનોનો વિરોધ

ગૌચરની જમીનની માપણી પણ શરૂ થઈ ગઈ

સુરતના ઓલપાડ તાલુકાના પરિયા ગામની ગૌચરની જમીન જેટકો કંપનીને ફાળવવાની તૈયારી સરકારે કરી છે. પરિયા ગામની ગૌચરની જમીનની માપણીની શરૂઆત થતા ગ્રામજનો અને ખેડૂતો દ્વારા વિરોધ કરવામાં આવ્યો હતો. આ મામલે ગ્રામ સભામાં પણ વિરોધ સાથે ઠરાવ કરાયો છે. આજે ગ્રામજનોએ કાંગ્રેસ નેતા દર્શન નાયકની આગેવાનીમાં સુરતના જિલ્લા કલેકટરને આવેદનપત્ર આપ્યું હતું. દર્શન નાયકે જણાવ્યું હતું કે, જો ગૌચરની જમીન જેટકોને ફાળવવામાં આવશે તો ગામના લોકોને આંદોલન કરવાની ફરજ પડશે.