Surat: 18 વર્ષના નબીરાએ પૂરપાટ કાર હંકારીને ટુ-વ્હીલર ચાલકને ઉડાવ્યો, સ્થળ પર જ યુવકનું મોત

ટુ-વ્હીલર ચાલકને કારે ટક્કર મારી

વિગતો મુજબ, સુરતના પાલ ગૌરવપથ પેવેલિયન પ્લાઝા પાસે ધ્રુવાંગ પટેલ નામનો 20 વર્ષનો યુવક ટુ-વ્હીલરથી રોડ ક્રોસ કરી રહ્યો હતો. ત્યારે જ પૂરપાટ ઝડપે આવતી કારે તેને ટક્કર મારી હતી. ટક્કર એટલી ભયાનક હતી કે ધ્રવાંગ 20 ફૂટ સુધી ફંગોળાયો હતો. અકસ્માત બાદ આસપાસથી લોકો દોડી આવ્યા હતા, જોકે સ્થળ પર જ તેનું મોત થઈ ગયું હતું.

અકસ્માતની ઘટના સીસીટીવીમાં કેદ

અકસ્માતની જાણ થતા જ પોલીસનો કાફલો સ્થળ પર દોડી ગયો હતો. જેમાં કાર ચાલક 18 વર્ષનો દેવ પટેલ હોવાનું સામે આવ્યું હતું. જેની પોલીસે ધરપકડ કરી હતી. અકસ્માતની સંપૂર્ણ ઘટના સીસીટીવી કેમેરામાં કેદ થઈ ગઈ હતી. જેમાં જોઈ શકાય છે કે કેવી રીતે ધ્રુવાંગને રોડ ક્રોસ કરતા પૂર ઝડપે આવતી કારે ઉડાવી દીધો હતો.

સુરતમાં બેફામ કાર ચાલકે ટુ-વ્હીલર પર જતા યુવકને હવામાં ફંગોળ્યો#Surat #Accident pic.twitter.com/jEBmykWibY

— Gujarat Tak (@GujaratTak) December 1, 2023