સુરતમાં ભણવાની ઉંમરે વિદ્યાર્થીઓ નશાના રવાડે, સ્કૂલ બેગમાંથી મળી આવી ટાયર સોલ્યુશન ટ્યુબ

Surat News: સુરતમાં વાલીઓ માટે લાલબત્તી સમાન કિસ્સો સામે આવ્યો છે.પાંડેસરમાં ભણવાની ઉંમરે વિદ્યાર્થીઓ નશાના રવાડે ચડી રહ્યા છે. શહેરમાં 11-12 વર્ષના વિદ્યાર્થી ટાયર પંક્ચર સોલ્યુશન ટ્યુબનો નશો કરતા હોવાનું સામે આવતા ચકચાર મચી જવા પામી છે. જાગૃત નાગરિકો દ્વારા વિદ્યાર્થીઓની સ્કૂલ બેગ તપાસવામાં આવતા બેગમાંથી નશો કરવા સોલ્યુશન ટ્યુબ, પ્લાસ્ટિકની થેલીઓ અને નળીઓ મળી આવી હતી. એવું માનવામાં આવે છે કે આ સોલ્યુશનનો નશો દારૂના નશા કરતા પણ વધારે નુકસાન કરે છે.