Exclusive: PM મોદીને ભગવાન માની સુરતના વ્યક્તિએ હાથ પર નરેન્દ્ર મોદીની તસવીરનું ટૈટૂ કરાવ્યું

PM મોદીના બર્થડે પહેલા ચાહકે આપી ભેટ

પ્રકાશ મહેતાએ પોતાના હાથ પર મોદીનું ટૈટૂ બનાવવા પાછળનું કારણ એ છે કે તેઓ વડાપ્રધાન નરેન્દ્ર મોદીને પોતાના ભગવાન માને છે અને જેને તેઓ સૌથી વધુ પ્રેમ કરે છે. વડા પ્રધાન નરેન્દ્ર મોદીનો જન્મદિવસ 17 સપ્ટેમ્બરે આવી રહ્યો છે, તેથી તેની ઉજવણી કરવા માટે, નરેન્દ્ર મોદીની રાષ્ટ્રીય ધ્વજની આકૃતિ તેમના પોતાના હાથે બનાવવામાં આવી છે. પોતે એક એન્જિનિયર હોવાને કારણે તેમણે આ તસવીર જાતે જ ડિઝાઇન કરી છે.

જાતે જ ટૈટૂની ડિઝાઈન તૈયાર કરી

આ અંગે વાત કરતા પ્રકાશ મહેતાએ કહ્યું, હું એન્જિનિયર છું અને હું પોતે નરેન્દ્ર મોદીનો આશિક છું અને તે અમારા ભગવાન. અમે ખૂબ જ એમને માનીએ છીએ. તેમની વિચારસરણી, ટેકનોલોજી, એડવાન્સ ચાલવું, એકદમ મોજિલા રહેવા છતા દરેક કાર્યમાં સંપૂર્ણ ડૂબી જવું. અમારું આખું કુટુંબ તેમને ભગવાન જ માને છે. મને ટૈટૂ કરાવવાનો વિચાર આવ્યો. મારે નરેન્દ્રભાઈ મોદીની બર્થડે પર એમને ગિફ્ટ આપવી છે એટલે મેં તેમના બર્થડે પહેલા ટૈટૂ કરાવ્યું અને ભારત રાષ્ટ્રને બહુમાન આપું છું એટલે તેના માટે રાષ્ટ્રધ્વજ કરાવ્યો છે મેં. આ ડિઝાઈન મેં પોતે જ બનાવી અને ટૈટૂવાળા ભાઈ પાસે જઈને કરાવ્યું.

(સંજયસિંહ રાઠોડ, સુરત)