રાજકોટમાં તથ્ય પટેલવાળી થતા રહી ગઈ, સ્કોર્પિયો ચાલકે વાહનો સાથે શાકભાજી વિક્રેતાને પણ અડફેટે લીધો

વિગતો મુજબ, રાજકોટના રૈયા ટેલિફોન એક્સચેન્જ પાસે સોમનાથ સોસાયટીમાં બેફામ સ્કોર્પિયો ચાલકે અનેક ટુ-વ્હીલર્સને અડફેટે લીધા હતા. સાથે શાકભાજી લઈને જતા લારી ચાલકને પણ અડફેટે લીધો હતો. જેમાં લારી ચાલક ઈજાગ્રસ્ત થઈ જતા તેને સારવાર માટે હોસ્પિટલમાં ખસેડવામાં આવ્યો હતો. ઘટનાને પગલે પોલીસને જાણ કરવામાં આવતા તાત્કાલિક પોલીસનો કાફલો સ્થળ પર પહોંચી ગયો હતો.

રાજકોટમાં સ્કોર્પિયો ચાલકે અકસ્માતની વણજાર સર્જી, એક સાથે અનેક વાહનોને અટફેટે લીધા#Rajkot #Accident #CCTV pic.twitter.com/NScFniVUxz

— Gujarat Tak (@GujaratTak) August 21, 2023

અકસ્માતની ઘટના સીસીટીવી કેમેરામાં પણ કેદ થઈ ગઈ હતી. જેમાં જોઈ શકાય છે કે સ્કોર્પિયો કાર પૂરપાટ ઝડપે અનેક બાઈકને ઢસડીને જઈ રહી છે અને દીવાલ સાથે અથડાઈને ઊભી રહી જાય છે. અકસ્માતમાં વાહનોને મોટું નુકસાન થયું હતું. જોકે સદનસીબે મોટી જાનહાનિ થતા બચી ગઈ. જો સોસાયટીમાં રમતું કોઈ બાળક કે રસ્તે જતી વ્યક્તિ વચ્ચે આવી હોત તો અકસ્માત જીવલેણ બની ગયો હોત.

(વિથ ઈનપુટ: નિલેશ શિશાંગિયા)