અંધશ્રદ્ધાનું દૂષણ: 10 મહિનાની બાળકીને પરિવાર ભૂવા પાસે લઈ ગયો, સોયથી ડામ આપતા તબિયત લથડી

રાજકોટ: અત્યારે 21મી સદીના આધુનિક યુગમાં પણ અંધશ્રદ્ધાનું દૂષણ લોકોના માનસ પરથી હટી રહ્યું નથી. અંધશ્રદ્ધાના આવા જ એક કિસ્સામાં 10 મહિનાની માસુમ બાળકી ભોગ બની છે અને જીવન-મરણ વચ્ચે ઝોલા ખાઈ રહી છે. હકીકતમાં બાળકીને શરદી-ઉધરસ અને હાંફ ચડવાની સમસ્યા હતી, પરંતુ હોસ્પિટલમાં વધારે ખર્ચો થતો હોવાથી પરિવાર તેને મંદિર લઈને પહોંચ્યો હતો, ગરમ સોયથી બાળકીને ડામ અપાતા તેની તબિયત વધુ લથડી હતી. હાલ બાળકીને રાજકોટ સિવિલ હોસ્પિટલ ખસેડવામાં આવી છે.