ઈસ્કોન બ્રિજ અકસ્માતમાં તથ્ય પટેલને કોર્ટે આપી આવી રાહત

ખંભાતના ફાયર ઓફિસરે NOC આપવાના 45,000 માગ્યા, 5000નું ડિસ્કાઉન્ટ પણ આપ્યું પછી…

તથ્યએ કઈ કઈ માગણીઓ કરી હતી.

આ મામલામાં કોર્ટે તથ્યને કેટલીક રાહતો આપી છે. જેલ મેન્યુઅલ પ્રમાણે પ્રાપ્ત થતી બાબતો પર કોર્ટે રાહત આપી છે. તથ્ય પટેલે હાલમાં અમદાવાદની ગ્રામ્ય કોર્ટમાં અરજી કરી હતી. તેમાં તેણે જેલમાં ભોજન ભાવતું નથી તેથી તેને બહારથી ટિફિન વ્યવસ્થા મળી શકે તે માટે અરજી કરી હતી. તેણે એવી પણ માગ કરી છે કે ટિફિન આપવા આવનાર સાથે મુલાકાત થાય અને તે માટે પરવાનગી માગી હતી. તથ્યએ કોર્ટે કહ્યું હતું કે, તેને જેલનું જમવાનું ભાવતુ નથી તેથી તેને બહારથી ટિફિન મેળવી શકાય તે માટેની પરવાનગી જોઈએ છે. ઉલ્લેખનીય છે કે પોતાના વ્હાલાઓને આ અકસ્માતમાં ગુમાવનારા પરિવારોના ગળેથી હજુ પણ નિરાતે કોળીયા નથી ઉતરતા, હજુ આ પરિવારોને પોતાના વ્હાલાઓની હયાતીના ભણકારા વાગે છે, હજુ આ પરિવારોને પોતાના જુવાન જોધ સ્વજનના ગુમાવ્યા પછી આવનારા ભાવીની ચિંતાઓ થઈ રહી છે ત્યાં તથ્યને જેલના બે કોળિયા કાઠા પડી રહ્યા છે, ત્યાં તથ્યને ભણતરને લઈ પોતાના ભાવિની ચિંતા થઈ રહી છે. તથ્યએ ગ્રામ્ય કોર્ટ સમક્ષ માગણી કરી છે કે તેનો અભ્યાસ પુરો કરવાનો હોવાથી બુક જેલમાં લાવવા દેવાય. તેણે આ અરજીમાં કેસને લગતા જરૂરી ડોક્યુમેન્ટ્સ માગ્યા હતા. સાથે જ બાઈક ચાલકે ઉતારેલા વીડિયો અને સીસીટીવી ફૂટેજીસની માગ કરી હતી. તેણે કોર્ટ સમક્ષ એવી પણ રજૂઆત કરી છે કે પરિવારના સભ્યોને જેલમાં અઠવાડિયામાં એક જ મુલાકાત કરવાની પરવાનગી છે. આ પરવાનગીને વધારવામાં મતલબ કે અઠવાડિયામાં મુલાકાત માટે આવવાના વારામાં વધારો કરવાની તેણે માગ કરી હતી.

તથ્યની કઈ માગનો કર્યો સ્વિકાર

કોર્ટે જેલ મેન્યુઅલ પ્રમાણે તેને બે ટાઈમ ઘરનું ભોજન મળે તે માટે પરવાનગી આપી છે. હવે તથ્યને ઘરનું ભોજન મળશે. જોકે અઠવાડિયામાં એક જ વખત સગાને મળવા અને ફોન કરવાની પરવાનગી આપી છે.