200 કરોડની સંપત્તિ દાન કરી... હવે સંન્યાસી બનશે ગુજરાતના આ ઉદ્યોગપતિ, પુત્ર અને પુત્રી પણ લઈ ચૂક્યા છે દીક્ષા

આ પણ વાંચો: 'રૂપાલા હાય-હાય'ના સૂત્રોચ્ચાર સાથે જામનગરમાં રાજપૂત સમાજના યુવાનોએ કાળા વાવટા ફરકાવ્યા

પુત્ર અને પુત્રીએ 2022માં દીક્ષા લીધી હતી

ભાવેશ ભાઈના 16 વર્ષના પુત્ર અને 19 વર્ષની પુત્રીએ બે વર્ષ પહેલા સંયમિત જીવન જીવવા માટે દીક્ષા લેવાનું નક્કી કર્યું હતું. વર્ષ 2022માં પુત્ર અને પુત્રીની દીક્ષા લીધા બાદ હવે ભાવેશ ભાઈ અને તેમના પત્નીએ પણ સંયમનો માર્ગ અપનાવવાનું નક્કી કર્યું છે. ભાવેશ ભાઈ ભંડારીએ સાંસારિક મોહ માયાથી દૂર થઈને 200 કરોડથી વધુની સંપત્તિનું દાન કર્યું હતું. તેમણે અચાનક જ અમદાવાદમાં બિલ્ડીંગ કન્સ્ટ્રકશનનો વ્યવસાય છોડીને દીક્ષા લેવાનું નક્કી કર્યું.

સાંસારિક વૈભવનો ત્યાગ કરશે

પરિચિત દિલીપ ગાંધીએ જણાવ્યું હતું કે, જૈન સમાજમાં દીક્ષાનું ઘણું મહત્વ છે. દીક્ષા લેનાર વ્યક્તિએ ભીખ માંગીને જીવન જીવવું પડે છે અને એસી, પંખા, મોબાઈલ વગેરેનો પણ ત્યાગ કરવો પડે છે. આ સિવાય સમગ્ર ભારતમાં ખુલ્લા પગે ફરવું પડે છે.

આ પણ વાંચો: Lok Sabha Election 2024: શંકર ચૌધરી સામે ચૂંટણીપંચમાં ફરિયાદ, કોંગ્રેસે વીડિયો પૂરાવા રજૂ કરી કાર્યવાહીની કરી માંગ

200 કરોડથી વધુની સંપત્તિ દાન કરી

સાબરકાંઠા જિલ્લાના ભાવેશભાઈ જેઓ સંન્યાસી બનવા જઈ રહ્યા હતા તેમની હિંમતનગરમાં ખૂબ જ ધામધૂમથી શોભાયાત્રા કાઢવામાં આવી હતી. આ દરમિયાન તેમણે પોતાની તમામ મિલકત દાનમાં આપી દીધી. 200 કરોડથી વધુની સંપત્તિ દાનમાં આપવામાં આવી છે. આ શોભાયાત્રા લગભગ ચાર કિલોમીટર લાંબી હતી.

રિવરફ્રન્ટ પર દીક્ષા સમારોહ યોજાશે

પરિચિત દિકુલ ગાંધીએ જણાવ્યું હતું કે, 22 એપ્રિલે અમદાવાદ રિવરફ્રન્ટ ખાતે 35 લોકો એકસાથે સંન્યાસી જીવનમાં પ્રવેશવાના છે. જેમાં 11 વર્ષની ઉંમરથી લઈને 56 વર્ષના પ્રૌઢ સુધીના 35 મુમુક્ષો સંસારનો ત્યાગ કરશે. આ પ્રસંગે 7 કિલોમીટર લાંબી ભવ્ય વરઘોડાની યાત્રા નીકળશે. પાંચ દિવસ ચાલનારા આ મહોત્સવમાં દુનિયાભરમાંથી શ્રદ્ધાળુઓ હાજરી આપશે.

આ પણ વાંચો: Video: ફરી એકવાર વાનખેડેમાં થઈ હાર્દિક પંડયાની હુટિંગ, કોહલીના એક ઈશારે બધાનું દિલ જીત્યું