અમદાવાદની રાજસ્થાન હોસ્પિટલમાં આગ લાગતા દર્દીઓમાં અફરાતફરી, ફાયરની 29 ગાડીઓ ઘટનાસ્થળે

અમદાવાદ: શહેરના શાહીબાગ વિસ્તારમાં આવેલી રાજસ્થાન હોસ્પિટલના બેઝમેન્ટમાં (Rajasthan Hospital) રવિવારે વહેલી સવારે અચાનક આગ લાગવાની ઘટના બની હતી. ઘટનાના કારણે બેઝમેન્ટમાં રહેલો સામાન ખાખ થઈ ગયો હતો. ઘટનાની જાણ થતા જ ફાયર વિભાગની 29 જેટલી ગાડીઓ ઘટના સ્થળે પહોંચી ગઈ છે. હાલમાં ફાયરની ટીમ દ્વારા આગ બુજાવવાની કામગીરી કરવામાં આવી રહી છે. આગની ઘટનામાં હાલ કોઈ જાનહાનિના સમાચાર મળ્યા નથી.