Gujarat Rain: ગુજરાતમાં 48 કલાક માટે અમદાવાદ સહિત આ જિલ્લાઓમાં ભારે વરસાદની અંબાલાલ પટેલની આગાહી

કયા કયા જિલ્લાઓમાં વરસાદની આગાહી?

અંબાલાલ પટેલે વરસાદની આગાહી કરતા જણાવ્યું કે, 24 કલાકમાં ભારેથી અતિભારે વરસાદની શક્યતા છે. જેમાં પંચમહાલ, વડોદરા, બનાસકાંઠાના ભાગો થરાદ, કાંકરેજ ઈકબાલગઢ, પાલનપુર અને ડિસા આ ભાગોમાં પણ વરસાદની શક્યતા છે અને આ ઉપરાંત આ ખેડાના આણંદ, મહેમદાવાદ, કપડવંજ અને બાલસિનોરમાં પણ વરસાદ થશે. અરવલ્લીમાં પણ વરસાદની શક્યતા છે. આગામી 48 કલાકમાં વડોદરા મધ્ય ગુજરાત સાથે અમદાવાદમાં પણ ભારે વરસાદની શક્યતા છે. ગાંધીનગરમાં પણ વરસાદ થશે.

ગુજરાતમાં આગામી 48 કલાક માટે ભારે વરસાદ થવાની અંબાલાલ પટેલે કરી આગાહી#GujartRain #AmbalalPatel pic.twitter.com/FqCy0kNNnV

— Gujarat Tak (@GujaratTak) September 16, 2023

વરસાદની આગાહીથી ધરતીપુત્રોમાં આનંદ

તેમણે આગળ કહ્યું કે, સૌરાષ્ટ્રના ભાગો વરસાદથી વંચિત છે ત્યાં ગીર, અમરેલી, ખાંભા અને ભાવનગરમાં વરસાદની શક્યતા છે. દેવભૂમિ દ્વારકા, પોરબંદર તથા ઉત્તર સૌરાષ્ટ્રના ભાગોમાં પણ વરસાદની શક્યતા છે. તો હવામાન વિભાગ અને ખાનગી હવામાન એજન્સી સ્કાયમેટે પણ ગુજરાતમાં વરસાદની આગાહી કરી છે. ત્યારે વરસાદની આ આગાહી ખેડૂતોના ચહેરા પર સ્મિત લઈને આવી છે.