દારૂબંધી છતાં નબીરાઓ સુધી કેવી રીતે પહોંચી જાય છે દારૂ? વરિષ્ઠ પત્રકારે કહ્યું-‘ગુજરાતમાં પોલીસ જ…’

અમદાવાદ: અમદાવાદના ઈસ્કોન બ્રિજ પર થયેલા અકસ્માતમાં 9 લોકોના મોત બાદ શહેર પોલીસ અચાનક એક્શન મોડમાં આવી ગઈ છે. શહેરભરમાં ટ્રાફિક પોલીસની ડ્રાઈવ ચલાવવામાં આવી રહી છે. રવિવારે રાત્રે જ શહેરના મણીનગર વિસ્તારમાં બેફામ બનેલા નબીરાએ દારૂના નશામાં કાર હંકારીને અકસ્માત સર્જ્યો હતો. છેલ્લા 3 દિવસની જ વાત કરીએ તો પોલીસના આંકડા મુજબ, માત્ર અમદાવાદ શહેરમાં જ ડ્રિંક એન્ડ ડ્રાઈવના 16 જેટલા કેસ નોંધવામાં આવ્યા છે. આ બધાની વચ્ચે સવાલ થાય છે કે જે ગાંધીના ગુજરાતમાં કડક દારૂબંધી છે ત્યાં આટલો દારૂ આવે છે જ ક્યાંથી?