BREAKING: અમદાવાદ-બગોદરા હાઈવે પર ટ્રકની પાછળ છોટા હાથી ઘુસી જતા 10 લોકોનાં મોત

વિગતો મુજબ, અમદાવાદ-બગોદરા હાઈવે પર પંચર થતા ટ્રક રોડ પર ઊભો હતો. દરમિયાન પાછળથી આવતા છોટા હાથી ટ્રક ધડાકાભેર ટ્રકમાં ઘુસી ગયો હતો. જાણકારી મુજબ છોટા હાથીમાં બેઠેલા લોકો કપડવંજના સુણદા ગામના વતની હતા અને ચોટીલા દર્શન કરીને પરત ઘરે જઈ રહ્યા હતા. દરમિયાન તેમના વાહનને અકસ્માત નડ્યો હતો.

ટ્રક સાથે છોટા હાથીની ટક્કર થતા 10 જેટલા લોકોના મોત નિપજ્યા હતા. જ્યારે 3 લોકો ઈજાગ્રસ્ત થઈ ગયા હતા. ઘટનાની જાણ થતા જ 108 અને પોલીસનો કાફલો સ્થળ પર દોડી આવ્યો હતો અને મૃતકોને બહાર કાઢીને તથા ઈજાગ્રસ્તોને હોસ્પિટલ પહોંચાડવાની કામગીરી હાથ ધરી હતી. આ અકસ્માતની ઘટનામાં મૃત્યુઆંક હજુ પણ વધે તેવી સંભાવના છે.

અમદાવાદ જિલ્લામાં બાવળા-બગોદરા હાઈવે પર થયેલ અકસ્માતની ઘટના હૃદયવિદારક છે. ઈશ્વર આ દુર્ઘટનામાં જીવ ગુમાવનાર મૃતકોના આત્માને શાંતિ આપે અને ઈજાગ્રસ્તો ઝડપથી સાજા થાય તેવી પ્રાર્થના કરું છું. મારી સંવેદના મૃતકોના પરિવારજનોની સાથે છે.

— Bhupendra Patel (@Bhupendrapbjp) August 11, 2023

(વિથ ઈનપુટ: સાજિદ બેલિમ)