અમદાવાદમાં લાંચિયો કર્મચારી ઝડપાયો, સબ રજિસ્ટ્રાર દસ્તાવેજ કરવા 1.50 લેતા રંગેહાથ ઝડપાયો

વિગતો મુજબ, વેજલપુરમાં આવેલી રજિસ્ટ્રાર કચેરીમાં સોસાયટીના દસ્તાવેજ કરાવવા માટે ફરિયાદી ગયા હતા. ત્યારે વર્ગ-3ના સબ રજિસ્ટ્રાર તુલસીદાસ મારકણાએ એક મકાનનો દસ્તાવેજ બનાવી આપવા માટે રૂ.5 હજાર એમ 30 મકાનના 1.50 લાખ માગ્યા હતા. જે બાદ ફરિયાદીએ એન્ટી કરપ્શન બ્યુરોની ટીમને આ અંગે જાણ કરી હતી. બાદમાં શનિવારે ફરિયાદી પૈસા લઈને સબ રજિસ્ટ્રાર ઓફિસમાં પહોંચ્યા હતા.

આ દરમિયાન તુલસી દાસ 1.50 લાખ લાંચના રૂપિયા લેતા હતા ત્યારે જ છટકું ગોઠવીને તેમને રંગે હાથ ઝડપી પાડવામાં આવ્યા હતા. સબરજિસ્ટ્રાર કચેરીમા ACBની રેડથી દોડધામ મચી ગઈ હતી. ત્યારે હવે ACB દ્વારા આ સંપૂર્ણ લાંચની રકમ તુલસીદાસે પોતે માગી હતી કે તેમાંથી અધિકારીનો કોઈ હિસ્સો હતો તેની તપાસ શરૂ કરાઈ છે.