અમદાવાદમાં સોસાયટીના ગેટ પર એન્ટ્રી કરવાનું કહેતા રીક્ષા ચાલકે ગાર્ડને કચડ્યો, સારવાર દરમિયાન મોત

Ahmedabad News: અમદાવાદના વસ્ત્રાલમાં સોસાયટીના ગેટ પર ફરજ બજાવતા સિક્યોરિટી ગાર્ડને રીક્ષા નીચે કચડીને હત્યા કરી નાખવાની ચોંકાવનારી ઘટના બની છે. સિક્યોરિટી ગાર્ડની ભૂલ માત્ર એટલી કે તેણે રીક્ષા ચાલકને રજીસ્ટરમાં એન્ટ્રી કરવા માટે કહ્યું હતું. જેનાથી ગુસ્સે થયેલા ચાલકે ગાર્ડ પર રીક્ષા ચડાવી દીધી હતી. જોકે સારવાર દરમિયાન સિક્યોરિટી ગાર્ડનું મોત થઈ જતા રામોલ પોલીસે આ મામલે હત્યાનો ગુનો નોંધ્યો છે. ખાસ વાત એ છે કે આ જ સોસાયટીમાં ધારાસભ્યનું પણ ઘર આવેલું છે. ત્યારે ધારાસભ્યની સોસાયટીમાં જ સિક્યોરિટી ગાર્ડની હત્યાથી ચકચાર મચી ગઈ છે.