Ahmedabad: મણિનગરમાં દાસ ખમણની ચટણીમાં જીવડું નીકળ્યું, ખાધા બાદ પરિવારને ઉબકા-ઉલ્ટી

Ahmedabad News: શહેરમાં ખાણીપીણીની વસ્તુઓમાં જીવાત નીકળવાની ઘટનાઓ સતત બની રહી છે. હાલમાં જ પ્રહલાદનગરમાં ઘી ગુડની બ્રાન્ચને કિચનમાં જીવાત અને ગંદકીના કારણે સીલ મારી દેવાયું હતું, ત્યાં હવે મણિનગરમાં આવેલા જાણીતા દાસ ખમણની દુકાનમાંથી ગ્રાહકને અપાયેલી ચટણીમાં જીવાત નીકળી હોવાનું સામે આવ્યું છે. આ અંગે ગ્રાહકે જ્યારે દુકાનનો સંપર્ક કર્યો તો તેને ત્યાં જઈને ચટણી બદલી આવવા માટે કહેવાયું. આટલી મોટી બેદરકારી બાદ પણ દુકાનમાલિકનો આવો વ્યવહાર જોઈને ગ્રાહકે AMCમાં ફરિયાદ કરી હતી.