એક લાખના રોકાણમાં કરોડપતિ, ટાટા ગ્રુપની આ કંપનીએ આપ્યું જોરદાર વળતર

20 ફેબ્રુઆરી 2009ના રોજ, TCSના શેર BSE પર રૂ. 118.49 પર ટ્રેડ થઈ રહ્યા હતા. જો કોઈ વ્યક્તિએ 20 ફેબ્રુઆરી, 2020 ના રોજ TCS શેર્સમાં રૂ. 1 લાખનું રોકાણ કર્યું હોય, તો તેને 843 શેર મળ્યા હોત. કંપનીએ તે જ વર્ષે એટલે કે 2009માં 1:1 રેશિયોમાં બોનસ શેર આપ્યા હતા. આ પછી, TCS એ 2018 માં 1:1 રેશિયો પર બોનસ શેરનું વિતરણ કર્યું. આ રીતે બોનસ શેર સહિત કુલ શેરની સંખ્યા 3372 થઈ ગઈ હશે. TCSનો શેર BSE પર ગુરુવાર, 13 એપ્રિલ 2023 ના રોજ રૂ. 3189.85 પર બંધ થયો. આવી સ્થિતિમાં, આ શેરોની કુલ કિંમત હાલમાં રૂ. 1.07 કરોડ રહી હશે.

10 વર્ષમાં કેટલું વળતર?
છેલ્લા 10 વર્ષમાં પણ TCSના શેરે મજબૂત વળતર આપ્યું છે. 26 એપ્રિલ 2013 ના રોજ, તેના શેર BSE પર રૂ. 684.10 પર હતા. જો કોઈ વ્યક્તિએ આ દિવસે કંપનીના શેરમાં રૂ. 1 લાખનું રોકાણ કર્યું હોત તો તેને 146 શેર મળ્યા હોત અને 2018માં મળેલા બોનસ શેર સહિત તેમની સંખ્યા વધીને 292 થઈ ગઈ હોત.

આજના સમયમાં આ શેરની કુલ કિંમત 9.33 લાખ રૂપિયા હશે. જોકે, છેલ્લા પાંચ દિવસમાં TCSના શેરમાં 1.32 ટકાનો ઘટાડો થયો છે. તે જ સમયે, છેલ્લા એક મહિનામાં તેમાં 0.22 ટકાનો નજીવો વધારો થયો છે. TCSના શેરમાં છ મહિનામાં બે ટકાથી વધુનો વધારો જોવા મળ્યો છે. જોકે, છેલ્લા એક વર્ષમાં તેમાં 9.53 ટકાનો ઘટાડો થયો છે.

આ પણ વાંચો: 44 વર્ષના ગુનાખોરીના સામ્રાજ્યનો 1 મિનિટમાં આવ્યો અંત, જાણો અતીકની સંપૂર્ણ ક્રાઇમ કુંડળી

કમાન નવા CEOના હાથમાં રહેશે
આગામી કેટલાક મહિનામાં TCSમાં મોટો ફેરફાર થવાનો છે. કંપનીના CEO અને MD રાજેશ ગોપીનાથને ગયા મહિને જ પોતાના પદ પરથી રાજીનામું આપી દીધું છે. તેમની જગ્યાએ કીર્તિવાસનને આગામી સીઈઓ અને મેનેજિંગ ડિરેક્ટર તરીકે નિયુક્ત કરવામાં આવ્યા છે. 1 જૂન, 2023ના રોજ, કે કીર્તિવાસન TCSની બાગડોર સંભાળશે. TCS એ નાણાકીય વર્ષ 2022-23 ના ચોથા ક્વાર્ટરમાં ચોખ્ખા નફામાં 14.8 ટકાનો ઉછાળો નોંધાવ્યો છે અને તેનો નફો 11,392 કરોડ રૂપિયા રહ્યો છે. અગાઉના ક્વાર્ટરમાં કંપનીનો ચોખ્ખો નફો રૂ. 10,846 કરોડ હતો.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…