પૈસા રાખો તૈયાર... આ કંપની લાવી રહી છે 7 હજાર કરોડનો IPO, કમાણીની શાનદાર તક!

7 હજાર કરોડ રૂપિયાનો હશે બજાજનો IPO

Bajaj Finance દ્વારા સેબીની પાસે જમા કરાવવામાં આવેલ ડ્રાફ્ટ રેડ હેરિંગ પ્રોસ્પેક્ટસ (DRHP) મુજબ, કંપનીએ IPO દ્વારા (Bajaj Housing Finance IPO Size) 7,000 કરોડ રૂપિયા એકત્ર કરવાની યોજના બનાવી છે. રિપોર્ટ્સ અનુસાર, સેબીની પાસે સબમિટ કરાવવામાં આવેલા  દસ્તાવેજોમાં જણાવવામાં આવ્યું છે કે જણાવે છે કે આ ઈશ્યૂ હેઠળ કંપની રૂ. 4,000 કરોડ સુધીના ફ્રેશ શેર જાહેર કરશે, જ્યારે 3,000 કરોડ રૂપિયાના ઈક્વિટી શેરનું વેચાણ ઓફર ફોર સેલ (OFS) દ્વારા કરવામાં આવશે.

કંપનીએ FY24માં જંગી નફો કમાયો

નોંધનીય છે કે, બજાજ હાઉસિંગ ફાઈનાન્સ કંપની એક નોન-ડિપોઝિટ ટેકિંગ હાઉસિંગ ફાઈનાન્સ કંપની છે, જે વર્ષ 2015ના સપ્ટેમ્બર મહિનાથી નેશનલ હાઉસિંગ બેંકની સાથે રજિસ્ટર્ડ છે. બજાજ ગ્રુપની આ કંપની રેસિડેન્શિયલ અને કોમર્શિયલ પ્રોપર્ટીના બાંધકામ અથવા નવીનીકરણ માટે ફાઈનાન્શિયલ સોલ્યુશન્સ પ્રદાન કરે છે. જો આપણે કંપનીની બેલેન્સ શીટ પર નજર કરીએ તો પ્રાઈવેટ લેન્ડરે નાણાકીય વર્ષ 2024માં 1,731 કરોડ રૂયિયાનો ચોખ્ખો નફો મેળવ્યો હતો, જે અગાઉના નાણાકીય વર્ષ 2023માં નોંધાયેલા રૂ. 1,258 કરોડ કરતાં 38 ટકા વધુ છે.

RBIએ આ કંપનીઓ માટે નક્કી કરી છે ડેડલાઈન!

બજાજ હાઉસિંગ ફાઈનાન્સે ભારતીય રિઝર્વ બેંક (RBI)ના નિયમોનું પાલન કરતા SEBIની પાસે DHRP સબમિટ કર્યું છે. જે મુજબ RBIના 'અપર-લેયર' NBFC ટેગથી બચવા માટે કંપનીઓને સપ્ટેમ્બર 2025 સુધીમાં શેરબજાર (Stock Market)માં લિસ્ટેડ કરાવવી જરૂરી છે. ગયા વર્ષે જાહેર કરાયેલા એક રિપોર્ટનું માનીએ તો 14 સપ્ટેમ્બર, 2023ના રોજ આરબીઆઈએ 15 એનબીએફસીની યાદી બહાર પાડી, જેમાં અપર-લેયર કેટેગરીની કંપનીઓના નામ સામેલ હતા.

બજાજ હાઉસિંગ ફાઈનાન્સે તેના IPO માટે કોટક મહિન્દ્રા કેપિટલ, એક્સિસ કેપિટલ,  BofA સિક્યોરિટીઝ, JM ફાઇનાન્સિયલ અને SBI કેપિટલની એડવાઈઝર તરીકે પસંદગી કરી છે. ઉલ્લેખનીય છે કે તાજેતરમાં જ હાઉસિંગ ફાઈનાન્સ સેક્ટરની બે કંપનીઓ  Aadhaar Housing અને India Shelter Finance શેરબજારમાં લિસ્ટ થઈ છે અને હાલમાં જ બજાજ હાઉસિંગ ફાઈનાન્સનું નામ પણ આ યાદીમાં ઉમેરાવા જઈ રહ્યું છે.