BSE MCap: શેરબજારે ફરી રચ્યો ઈતિહાસ, પહેલીવાર BSEનું માર્કેટ કેપ 400 લાખ કરોડને પાર

સેન્સેક્સ-નિફ્ટીએ ઓલ ટાઈમ હાઈ રેકોર્ડ બનાવ્યો

નવા નાણાકીય વર્ષ 2024-25ના પ્રથમ દિવસે સ્થાનિક શેરબજાર નવી ઊંચાઈને સ્પર્શવામાં સફળ રહ્યું હતું. બજાર ખુલ્યા પછી તરત જ નવો ઓલ ટાઈમ હાઈ રેકોર્ડ બનાવ્યો. સોમવારે શરૂઆતના ટ્રેડિંગમાં સેન્સેક્સ 74,673.84 પોઈન્ટની નવી ટોચે પહોંચ્યો છે અને નિફ્ટીએ 22,630.90 પોઈન્ટની નવી ટોચને સ્પર્શી છે. અગાઉ ગયા સપ્તાહ દરમિયાન પણ બંને મુખ્ય સૂચકાંકો નવા શિખરોને સ્પર્શ્યા હતા. છેલ્લા એક વર્ષમાં સ્થાનિક બજારમાં 25 થી 30 ટકાની રેન્જમાં વૃદ્ધિ થઈ છે.

આ પણ વાંચો:- VIDEO: હાર્દિકની કેપ્ટનશિપ પર પહેલીવાર ખુલીનો બોલ્યો રોહિત, સિક્રેટ વીડિયો વાયરલ

198 શેર પર અપર સર્કિટ લાગી

આજના દિવસની શરૂઆતના ટ્રેડિંગમાં BSE પર લિસ્ટેડ મોટાભાગની કંપનીઓના શેર નફામાં ટ્રેડ થઈ રહ્યા હતા. સવારના વેપારમાં, 3,289 કંપનીઓના શેરનો વેપાર થયો હતો, જેમાંથી 1,936 શેર નફામાં હતા, જ્યારે 1,205 નુકસાનમાં હતા. જ્યારે 148 શેર સ્થિર હતા. આજે ગ્રીન ઝોનમાં ટ્રેડિંગ કરતા 166 શેરો છેલ્લા એક વર્ષની સર્વોચ્ચ સપાટીએ પહોંચ્યા હતા. આજના કારોબારમાં 198 શેર અપર સર્કિટ લાગી હતી.

BSE નો MCAP  400 લાખ કરોડને પાર

તમામ શેરોમાં અદભૂત તેજીનો એકંદર સ્થાનિક શેરબજારને ફાયદો થયો. BSEની વેબસાઈટ પર ઉપલબ્ધ માહિતી અનુસાર, લિસ્ટેડ તમામ કંપનીઓનું સંયુક્ત માર્કેટ કેપિટલાઇઝેશન સવારના સત્રમાં 400 લાખ કરોડ રૂપિયા પર પહોંચી ગયું છે. આ પહેલીવાર છે જ્યારે કોઈ ભારતીય શેરબજારનો MCAP રૂ. 400 લાખ કરોડને પાર ગયો છે.

આ પણ વાંચો:- FD કરતાં વધુ વ્યાજ મળશે... પોસ્ટ ઓફિસ લાવી છે સુપરહિટ સ્કીમ, જુઓ તમામ માહિતી