PM મોદીની ભવિષ્યવાણી પડી રહી છે સાચી? આજે શેરબજાર ઓલ ટાઈમ હાઈ, નિફ્ટી-સેન્સેક્સમાં જોરદાર તેજી

Stock Market: શેરબજાર (Stock Market) એ સતત બીજા દિવસે ઈતિહાસ રચ્યો છે. નિફ્ટી (NIFTY) અને સેન્સેક્સ (BSE SENSEX) ઓલ ટાઈમ હાઈ લેવલ પર પહોંચી ગયા છે. નિફ્ટીએ પહેલીવાર 23000નો આંકડો પાર કર્યો છે, જ્યારે સેન્સેક્સ માર્કેટના શરૂઆતના 15 મિનિટમાં જ 75,558ની નવી ટોચે પહોંચ્યો છે. આ ઉછાળામાં બજાજ ફાઈનાન્સ, એલ એન્ડ ટી, ટાટા સ્ટીલ, સ્ટેટ બેંક, વિપ્રો, એચડીએફસી બેંક, બજાજ ફિનસર્વ, અલ્ટ્રાટેકનું મોટું યોગદાન છે.

લાલ નિશાન પર ખુલ્યું હતું શેરબજાર

શેરબજાર આજે લાલ નિશાનમાં ખુલ્યું હતું. સેન્સેક્સ 82.59 પોઈન્ટ ઘટીને 75,335.45ના લેવલે અને નિફ્ટી 36.90 પોઈન્ટની નબળાઈ સાથે 22,930 પર ખુલ્યો હતો. જોકે, આ ઘટાડો લાંબો સમય ટકી શક્યો નહીં અને નિફ્ટીએ ઈતિહાસ રચીને 23 હજારની સપાટી વટાવી દીધી. જ્યારે ગુરુવારે એટલે કે ગઈકાલે શેરબજારમાં જોરદાર ઉછાળો જોવા મળ્યો હતો. સેન્સેક્સ 1200 પોઈન્ટથી વધુ વધીને 75400ને પાર કરી ગયો હતો, જ્યારે નિફ્ટી 22993 સુધી પહોંચી ગયો હતો.

આ કંપનીના શેરમાં આવી તેજી

રેકોર્ડ બાદ માર્કેટમાં પ્રોફિટ બુકિંગનું દબાણ વધી રહ્યું છે. નિફ્ટી 50માં લગભગ એક તૃતીયાંશ કંપનીઓ ગ્રીન ઝોનમાં છે, જેમાં હિન્દાલ્કો અને એલએન્ડટી જેવી કંપનીઓ તેજીમાં છે. જ્યારે મિડકેપ સેગમેન્ટમાં વોડાફોન-આઈડિયાના શેરમાં સૌથી વધુ 6 ટકાનો વધારો જોવા મળી રહ્યો છે. આ સિવાય બોયકનનો સ્ટોક પણ વધી રહ્યો છે. જ્યારે સ્મોલ કેપ કેટેગરીમાં BDLના શેરમાં સૌથી વધુ 12 ટકાનો વધારો થયો છે.

BSE સેન્સેક્સના 22 શેરમાં ઘટાડો

BSE સેન્સેક્સના ટોચના 30 શેરોમાં માત્ર 8 શેરોમાં જ ઉછાળો જોવા મળી રહ્યો છે, જ્યારે 22 શેરમાં ઘટાડો જોવા મળી રહ્યો છે. સૌથી મોટો ઘટાડો TCSના શેરમાં થયો છે. તે લગભગ 1 ટકા ઘટીને 3857 રૂપિયા પર આવી ગયો છે. L&Tના શેરમાં સૌથી વધુ 1.20 ટકાનો વધારો જોવા મળી રહ્યો છે, જે 3629 રૂપિયા પ્રતિ શેર પર ટ્રેડ કરી રહ્યો છે.

54 શેરમાં લાગ્યું અપર સર્કિટ

સપ્તાહના છેલ્લા ટ્રેડિંગ દિવસે NSE પર કુલ 2,412 શેર ટ્રેડ થઈ રહ્યા છે, જેમાંથી 1,109 શેર ઉછાળા પર ટ્રેડ કરી રહ્યા છે, જ્યારે 1,202 શેર ઘટયા છે. જ્યારે 101 શેરમાં કોઈ ફેરફાર થયો નથી. 83 શેર 52 સપ્તાહના ઉચ્ચ સ્તરે પહોંચ્યા છે, જ્યારે 13 શેર 52 સપ્તાહના નીચલા સ્તરને સ્પર્શ્યા છે. આ સિવાય 54 શેર અપર સર્કિટ અને 40 શેર લોઅર સર્કિટને સ્પર્શ્યા છે.