પેટ્રોલ-ડીઝલના ભાવ ફરી વધશે? ઓઈલ કંપનીઓએ ભાવ વધારવા દબાણ શરૂ કર્યું

ઉત્તર પ્રદેશ વિધાનસભા ચૂંટણીને કારણે કંપનીઓએ 137 દિવસ સુધી કિંમતોમાં કોઈ ફેરફાર કર્યો નહોતો. જોકે, માર્ચના અંતે તેમાં પ્રતિ લિટર રૂ.10નો વધારો કરવામાં આવ્યો હતો.

હિન્દુસ્તાન પેટ્રોલિયમ કોર્પોરેશન લિમિટેડ (HPCL) એ જણાવ્યું હતું કે, તેને અત્યારસુધીનું સૌથી વધુ નુકસાન થયું છે, જે રૂ. 10,197 કરોડ રૂપિયાને આંબી ગયું છે. જ્યારે ભારત પેટ્રોલિયમ કોર્પોરેશન લિ. (BPCL)ને રૂ. 6,290 કરોડનું નુકસાન થયું છે. ઈન્ડિયન ઓઈલને 1,993 કરોડ રૂપિયાનું નુકસાન થયું છે.

એપ્રિલ-જૂનમાં તેલના ભાવ સ્થિર રહ્યા
એપ્રિલ-જૂનમાં ત્રણેય પેટ્રોલિયમ કંપનીઓએ ભાવમાં કોઈ ફેરફાર કર્યો નથી. ક્વાર્ટર દરમિયાન આયાત ક્રૂડ ઓઈલના ભાવ બેરલ દીઠ 109 ડોલર રહ્યા હતા. પરંતુ છૂટક બજારમાં તે બેરલના આધારે 85-86 ડોલરના ભાવે વેચાય છે. જોકે ઓઇલ કંપનીઓ ભાવ વધારવા અથવા ઘટાડવા માટે સ્વતંત્ર છે. આ હોવા છતાં તેઓ કિંમતોમાં કોઈ ફેરફાર કરી શક્યા નથી.