મેસ્સીના ગોલથી આ કંપનીના શેરમાં આવ્યો જોરદાર ઉછાળો, FIFA દરમિયાન રોકટે ગતિએ વધ્યા…

જાણો કયા શેરમાં વધારો થયો
ફિફા વર્લ્ડ કપની ફાઇનલ મેચના પરિણામોની અસર એડિડાસ અને નાઇકીના શેર પર પણ જોવા મળી રહી છે. આર્જેન્ટિનાની ટીમે એડિડાસની જર્સી પહેરીને ટૂર્નામેન્ટમાં પ્રવેશ કર્યો અને સાથે સાથે ટાઇટલ પણ જીત્યું હતું. ત્યાર પછી એડિડાસના શેરમાં તેજી જોવા મળી હતી. કંપનીનો શેર 1.93 ટકા વધીને 121.30 યુરો (ફ્રેન્કફર્ટ સ્ટોક એક્સચેન્જ) પર બંધ થયો હતો. બીજી તરફ, ટીમની હાર બાદ ફ્રેન્ચ સ્પોન્સર નાઇકીના શેર તૂટ્યા હતા. ફ્રેન્કફર્ટ સ્ટોક એક્સચેન્જમાં નાઇકીનો શેર 1.96 ટકા ઘટીને 100 યુરો પર બંધ થયો હતો.

વર્લ્ડ કપ દરમિયાન ઉછાળો આવ્યો..
જો તમે આ વર્ષના આંકડાઓ પર નજર નાખો તો એડિડાસના શેરમાં 53.26 ટકા સુધીનો ઘટાડો જોવા મળ્યો છે. પરંતુ વર્લ્ડ કપની શરૂઆત પહેલા કંપનીના શેરમાં તેજી જોવા મળી હતી. 3 નવેમ્બરથી અત્યાર સુધીમાં કંપનીના શેરના ભાવમાં 28 ટકાથી વધુનો ઉછાળો નોંધાયો છે.

જર્સીનું ધમધમાટ વેચાણ થયું..
ફ્રાન્સ સામે વર્લ્ડ કપની ફાઈનલ પહેલા એડિડાસે આર્જેન્ટિનાની સ્ટ્રિપ્સવાળી જર્સી આખી દુનિયામાં વેચી દીધી હતી. લિયોનલ મેસ્સીની તસવીરવાળી એડિડાસની જર્સીની પણ ઘણી માંગ હતી. જર્સીઓ પણ ઘણી જગ્યાએ આઉટ ઓફ સ્ટોક હતી. કંપનીના વધેલા વેચાણની અસર વર્લ્ડ કપ દરમિયાન તેના શેર પર પણ જોવા મળી હતી.