તહેવારની સિઝનમાં ડુંગળી અને દાળની કિંમતોને લઈને આવ્યા મોટા સમાચાર, જાણો મોંઘવારી મુદ્દે વિગતવાર

કઠોળના મામલે તેમણે કહ્યું કે દેશમાં અડદ, મગ અને મસૂરનો બફર સ્ટોક 43 લાખ ટનથી વધુ છે. વિવિધ રાજ્યોની માંગને ધ્યાનમાં રાખીને 20-27 લાખ ટન દાળની આયાત કરવામાં આવી છે. આ ઉપરાંત, કેન્દ્રએ મધ્યાહન ભોજન અને અન્ય કલ્યાણકારી યોજનાઓ માટે લગભગ 88,000 ટન ચણાની દાળ રાજ્યોને બજાર કિંમત કરતાં 8 રૂપિયા ઓછી કિંમતે સપ્લાય કરી છે. સેક્રેટરીએ કહ્યું કે ડુંગળીના અખિલ ભારતીય સરેરાશ છૂટક ભાવમાં ગયા વર્ષની સરખામણીમાં 28 ટકાનો ઘટાડો થયો છે.

કમોસમી વરસાદની નજીવી અસર
રોહિત કુમારે વધુમાં કહ્યું કે, કમોસમી વરસાદના કારણે ડૂંગળીના ઉત્પાદન પર સામાન્ય અસર જોવા મળી શકે છે. પરંતુ બફર સ્ટોક હોવાના કારણે અમે આ અછતને દૂર કરીશું. સ્થાનિક વિસ્તારોમાં કિંમતોના આધારે બફર સ્ટોકથી બજારમાં ડૂંગળીને રાખીશું. રાષ્ટ્રીય બફર સ્ટોકથી અત્યારસુધી 14 રાજ્યો અને કેન્દ્રશાસિત પ્રદેશોને લગભગ 54 હજાર ટન ડુંગળી આપવામાં આવી છે.

• સરકારે રાજ્યો/કેન્દ્રશાસિત પ્રદેશો, મધર ડેરી, સફલ, NCCF અને કેન્દ્રીય ભંડારને કેન્દ્રીય બફર સ્ટોકમાંથી પ્રતિ ક્વિન્ટલ રૂ. 800ના દરે ડુંગળી ઉપાડવાની ઓફર કરી છે.
• ટામેટાં અને બટાટા નાશવંત માલ છે. તેથી, તેમની કિંમતોમાં વધઘટ થઈ શકે છે, પરંતુ સરકાર તેમની કિંમતો પર સતત નજર રાખી રહી છે.