એનર્જી સેક્ટરનો આ શેર બન્યો રોકેટ, 5 દિવસમાં 30 %ની છલાંગ લગાવી, ખરીદવા વિશે એક્સપર્ટે શું કહ્યું?

IREDA ના શેર સર્વકાલીન ઉચ્ચ સ્તર શેર દીઠ રૂ. 215 છે, જે આ વર્ષે 6 ફેબ્રુઆરીએ હતા. આ સ્તરે પહોંચ્યાના બીજા જ દિવસે તેનો સ્ટોક ઝડપથી ઘટવા લાગ્યો અને થોડા જ દિવસોમાં તેની કિંમત 125 રૂપિયા સુધી આવી ગઈ. જો કે, ફરી એકવાર IREDAના શેરમાં તેજી શરૂ થઈ છે, જેના સંદર્ભમાં ઘણા નિષ્ણાતોએ પોતાનો અભિપ્રાય આપ્યો છે.

આ પણ વાંચો: Ahmedabad: કરણી સેનાના રાષ્ટ્રીય અધ્યક્ષ મહિપાલસિંહની કરાઈ અટકાયત, બોપલ જતા પોલીસે અટકાવ્યા

શુક્રવારે IREDA શા માટે 11 ટકા વધ્યો?

કંપનીએ શેરબજારને જણાવ્યું કે, તેણે તાજેતરમાં નાણાકીય વર્ષ 2023-24માં અત્યાર સુધીની સૌથી વધુ 37,354 કરોડ રૂપિયાની લોન મંજૂરી નોંધાવી છે. તેમાંથી કંપનીને અત્યાર સુધીમાં 25,089 કરોડ રૂપિયા મળ્યા છે. આવી સ્થિતિમાં, IREDAની કુલ લોન 26.71 ટકા વધીને 59,650 કરોડ રૂપિયા થઈ ગઈ છે. તે જ સમયે, માર્ચ 2024 ક્વાર્ટર દરમિયાન, મંજૂર કરાયેલ લોન વાર્ષિક ધોરણે 101.71 ટકા વધીને 23,796 કરોડ રૂપિયા થઈ ગઈ છે.

શું IREDAના શેર ઓલ ટાઈમ હાઈ પર જશે?

ટેકનિકલ વિશ્લેષકો આ શેર વિશે વ્યાપકપણે હકારાત્મક છે. તેમાંથી એકે કહ્યું કે, તેમાં ઓલ ટાઈમ હાઈ સ્પર્શ કરવાની ક્ષમતા ધરાવે છે. જોકે, સપોર્ટ પ્રાઈસ પ્રતિ શેર રૂ. 170 રહેશે. રેલિગેર બ્રોકિંગના રિટેલ રિસર્ચ રવિ સિંઘે જણાવ્યું હતું કે, દૈનિક ચાર્ટ પર શેર મજબૂત દેખાય છે. અંદાજિત નજીકના ગાળાના લક્ષ્યાંક રૂ. 185 હશે અને સ્ટોપ લોસ 170 રૂપિયા પર મૂકી શકાય છે.

આ પણ વાંચો: હવે ખિસ્સામાં ATM કાર્ડ રાખવાની જરૂર નથી, UPI દ્વારા જ કેશ ડિપોઝિટ કરી શકાશે, RBIની જાહેરાત

પ્રભુદાસ લીલાધરના ટેકનિકલ રિસર્ચ એનાલિસ્ટ શિજુ કુથુપાલક્કલે જણાવ્યું હતું કે, શેર 215 રૂપિયાથી ઘણો નીચે છે. તેમાં રૂ.188નું લેવલ જોવાની શક્યતા છે. આ પછી, તે 215 રૂપિયાની આસપાસ પહોંચી શકે છે, જેની સપોર્ટ કિંમત 155 રૂપિયા પ્રતિ શેર હશે. તમને જણાવી દઈએ કે IREDA એ રિન્યુએબલ એનર્જી મંત્રાલયના વહીવટી નિયંત્રણ હેઠળની એક મિની રત્ન ફર્મ છે.

(નોંધ- શેરબજારમાં કોઈપણ રોકાણ કરતા પહેલા, તમારા બજાર નિષ્ણાતોની સલાહ ચોક્કસ લો.)