મોંઘવારી નિયંત્રણની લડત ઘણી લાંબી ચાલશે, ડેપ્યુટી ગવર્નરે આપ્યા કિંમતો ઓછી થવાના એંધાણ

પાત્રાની આગેવાની હેઠળની ટીમે અર્થવ્યવસ્થાની સ્થિતિ પર એક રિપોર્ટમાં જણાવ્યું હતું કે, “મોંઘવારી સામે ચાલી રહેલા યુદ્ધના સુખદ પરિણામ વિદેશી રોકાણકારોમાં નવો ઉત્સાહ વધારશે.” બજારો અને જીડીપીને સ્થિરતા પ્રદાન કરશે. સપ્ટેમ્બરમાં છૂટક ફુગાવો વધીને 7.41 ટકા થયો હતો.

અસર 5-6 ક્વાર્ટરમાં દેખાશે: જયંત વર્મા
RBIની મોનેટરી પોલિસી કમિટી (એમપીસી)ના સભ્ય જયંત આર વર્માએ જણાવ્યું હતું કે ફુગાવા પર કઠોર નાણાકીય નીતિઓની અસર આગામી 5-6 ક્વાર્ટર પછી જ દેખાશે. તેમણે કહ્યું કે, અમારો ફુગાવાનો લક્ષ્યાંક 4 ટકા છે, જેમાં 2 ટકા વધુ કે ઓછાનો વિકલ્પ છે. કેન્દ્રીય બેંકના આ પગલાથી ફુગાવો ઘટશે તેમાં કોઈ શંકા નથી, એમ તેમણે જણાવ્યું હતું. જોકે, કડક નીતિઓની અસર હજુ જોવાની બાકી છે. તેની અસર જોવા મળશે અને ભાવ પણ નીચે આવશે.

ગ્રીન જીડીપી માટે અલગ એકમ 
આરબીઆઈએ બુલેટિનમાં ગ્રીન જીડીપી માટે પર્યાવરણ મંત્રાલય હેઠળ એક સમર્પિત એકમ બનાવવાનું પણ સૂચન કર્યું છે. આ એકમ પર્યાવરણીય નુકસાન, કુદરતી સંસાધનોના અવક્ષય અને સંસાધનોની બચતની ગણતરી કરશે અને તેને જીડીપીમાં સમાયોજિત કરશે. ભારતના સામાજિક અને વિકાસના ઉદ્દેશ્યોને ધ્યાનમાં રાખીને નાણાકીય વ્યવસ્થાએ ગ્રીન ફાઇનાન્સિંગ તરફ આગળ વધવાની જરૂર છે.