આગામી 5 વર્ષમાં ભારતના કરોડપતિઓ બમણા થશે, અબજોપતિઓની સંખ્યામાં આટલો વધારો થશે

Niket Sanghani

નવી દિલ્હી: ભારતમાં અમીરોની સંખ્યા વધી રહી છે અને આવનારા સમયમાં તેમની સંખ્યા વધુ વધશે. નાઈટ ફ્રેન્ક વેલ્થ રિપોર્ટ 2023માં દાવો કરવામાં આવ્યો છે કે દેશમાં કરોડપતિઓની સંખ્યા પાંચ વર્ષમાં બમણી થઈ જશે. જ્યારે અબજોપતિઓની સંખ્યામાં લગભગ દોઢ ગણો વધારો થશે.

2027 સુધીમાં 16 લાખ NHI
નાઈટ ફ્રેન્કના તાજેતરના અહેવાલમાં જણાવાયું છે કે વર્ષ 2027 સુધીમાં દેશમાં હાઈ નેટવર્થ ઈન્ડિવિઝ્યુઅલ્સ (HNI)ની સંખ્યા 16 લાખને પાર કરી જશે. તે અમીર લોકો આ શ્રેણીમાં આવે છે, જેમની કુલ સંપત્તિ 10 લાખ ડોલરથી વધુ છે. તેમાં દાવો કરવામાં આવ્યો હતો કે 1 મિલિયન ડોલર અને તેથી વધુની સંપત્તિ ધરાવતા HNIsની વસ્તી, જે 2022માં 7.9 લાખ નોંધાઈ હતી, તે વધીને 16.5 લાખ થશે. એટલે કે આગામી પાંચ વર્ષમાં તેમાં 107%નો વધારો થશે.

અતિ સમૃદ્ધ લોકોની સંખ્યા પણ વધશે
માત્ર HNIs જ નહીં પરંતુ અલ્ટ્રા-હાઈ નેટવર્થ વ્યક્તિઓ (UHNWIs)ની સંખ્યામાં પણ વધારો જોવા મળશે. આ શ્રેણીના લોકો પાસે 30 મિલિયન ડોલર કે તેથી વધુની કુલ સંપત્તિ છે. રિપોર્ટમાં કહેવામાં આવ્યું છે કે આગામી પાંચ વર્ષમાં તેમનો આંકડો અડધાથી વધુ વધી જશે. વર્ષ 2022 માં કરવામાં આવેલી છેલ્લી ગણતરીની તુલનામાં, 2027 સુધીમાં તેમની સંખ્યા 19,119 સુધી પહોંચવાનો અંદાજ છે. વૈશ્વિક સ્તરે, વર્ષ 2021માં આવા અમીરોની સંખ્યામાં 9.3 ટકાનો વધારો થયો હતો, જ્યારે વર્ષ 2022માં UHNWIની સંખ્યામાં 3.8 ટકાનો ઘટાડો નોંધાયો હતો.

ઘટાડાનું આ કારણ હતું
નાઈટ ફ્રેન્કના ગ્લોબલ હેડ ઓફ રિસર્ચ લિયામ બેઈલીએ જણાવ્યું હતું કે ગયા વર્ષે વૈશ્વિક સ્તરે UHNWIsની કુલ સંખ્યામાં ઘટાડો થવાનું મુખ્ય કારણ ઇક્વિટી અને બોન્ડ માર્કેટની નબળી કામગીરીને કારણે હતું. જો કે, બીજી તરફ, વૈશ્વિક સ્તરે ટોચના 100 રહેણાંક બજારોમાં સરેરાશ કિંમતમાં 5.2% અને વૈભવી રોકાણ મિલકતમાં 16%નો વધારો જોવા મળ્યો હતો, જે આ ઘટાડાને સ્થિર કરવામાં મદદ કરે છે.