IIT-IIMથી અભ્યાસ, અબજો રૂપિયાની કંપની સ્થાપી, હવે એક ભૂલના કારણે 20 વર્ષ જેલમાં રહેવું પડશે

તમિલનાડુ પ્રોટેક્શન ઓફ ઇન્ટરેસ્ટ્સ ઓફ ડિપોઝિટર્સ (ફાઇનાન્સિયલ એસ્ટાબ્લિશમેન્ટ્સ) એક્ટ (TNPID એક્ટ) અનુસાર, કોર્ટે સુબ્રમણ્યમ અને તેના સહયોગીઓને દોષિત ઠેરવ્યા છે. ચુકાદામાં જણાવાયું હતું કે, સુબ્રમણ્યન અને અન્યએ ચાર સ્કીમ્સ દ્વારા ડિપોઝિટ એકત્રિત કરી હતી – પ્રાઇમ ઇન્વેસ્ટ, એસેટ બેક્ડ સિક્યોરિટી બોન્ડ, લિક્વિડ પ્લસ અને સેફ્ટી પ્લસના માધ્યમથી જમા રાશિ એકત્ર કરી.

સુબ્રમણ્યન પર રોકાણકારો સાથે છેતરપિંડી કરવાનો આરોપ

વિશ્વપ્રિયા ઈન્ડિયા લિમિટેડ પર નાણાકીય સંસ્થામાં રોકાણ કરવા માટે થાપણદારોને છેતરવાનો આરોપ છે. જ્યારે નાણાં પરિપક્વ થયા, ત્યારે તેઓએ થાપણદારોને નવી યોજનાઓમાં ફરીથી રોકાણ કરવા માટે છેતરપિંડી કરી. તેણે રોકાણકારોને ઓછા સમયમાં વધુ નફો મેળવવાની લાલચ આપી. બાદમાં આરોપીઓએ થાપણદારોને પાકતી રકમ પરત કરવામાં રસ દાખવ્યો ન હતો.

કંપની 1991માં પહેલી કંપની લોન્ચ કરી

સુબ્રમણ્યમે મે 1991માં વિશ્વપ્રિયાની સ્થાપના કરી, જે તેનું પ્રથમ વેન્ચર હતું. તેણે તેની સ્થાપના નાણાકીય સેવા કંપની તરીકે કરી હતી. આ પછી, 1997 માં તેણે સુભિક્ષા શરૂ કરી. ઘણા રોકાણકારો વિશ્વપ્રિયાની યોજનાઓથી આકર્ષાયા હતા અને તેમાં રોકાણ કર્યું હતું, પરંતુ આમાંથી 587 રોકાણકારોએ હજુ સુધી તેમના નાણાં પ્રાપ્ત થયા નથી.

સી.આર. સુબ્રમણ્યમે એ પણ કબૂલ્યું હતું કે, તેમણે છેલ્લા દસ વર્ષથી સ્વૈચ્છિક રીતે કોઈ પૈસા જમા કરાવ્યા નથી અને તમામ યોજનાઓમાં થાપણદારોને રૂ. 137 કરોડથી વધુ ચૂકવ્યા નથી.

સુબ્રમણ્યમને 20 વર્ષની જેલ થઈ હતી

હવે આ જ કેસમાં કોર્ટે સુબ્રમણ્યમને 20 વર્ષની જેલની સજા ફટકારી છે. કોર્ટે સુબ્રમણ્યન પર 8.92 કરોડ રૂપિયાનો દંડ ફટકાર્યો છે, જ્યારે દોષિત સંગઠનો પર 191.98 કરોડ રૂપિયાનો દંડ ફટકારવામાં આવ્યો છે. આ રકમમાંથી 180 કરોડ રૂપિયા થાપણદારોના વળતર માટે રાખવામાં આવ્યા છે.