HDFCને આ બેંક સાથે મર્જરને મળી મંજૂરી, બેંકમાં ખાતું હોય ખાસ જાણી લેજો તમારા પર આની શું અસર થશે?

HDFC બેંક પહેલાથી જ ભારતીય રિઝર્વ બેંક તરફથી Too Big Too Fall શ્રેણીમાં છે અને હવે આ મર્જરથી બેંક વધુ મોટી બનશે. જેના કારણે તેના ખાતાધારકોના નાણાં વધુ સુરક્ષિત ગણી શકાય. મર્જર બાદ માર્કેટ કેપિટલાઇઝેશનમાં વધારો થશે, જેનાથી બેંકમાં ગ્રાહકોની જમા રકમની સુરક્ષામાં વધારો થશે.

HDFC મર્જરની શેરધારકો પર શું અસર થશે?
જો તમારી પાસે આ કંપનીઓના શેર છે, તો આવી સ્થિતિમાં HDFC શેરધારકને તેના 25 શેરના બદલામાં HDFC બેંકના 42 શેર મળશે. આ મર્જર પછી, કુલ સંપત્તિનું મૂલ્ય 18 લાખ કરોડ થશે અને HDFC બેંક 100% પબ્લિક શેરહોલ્ડિંગમાં રૂપાંતરિત થશે. આ મર્જરને કારણે, ખાતાધારકોના રોજિંદા વ્યવહારો અથવા અન્ય બેંકિંગ સંબંધિત પ્રવૃત્તિઓમાં કોઈ ફેરફાર થશે નહીં.