દિલ્હીમાં ટિમ કૂકે કર્યું Apple સ્ટોરનું ઉદ્ઘાટન: લાંબી લાઈન અને જોરદાર તાળીઓ વચ્ચે ઓપનિંગ

કૂક સૌથી પહેલા મળ્યા કર્મચારીઓને
સવારે સૌથી પહેલા ટિમ કૂક શોરૂમ પર પહોંચ્યા અને તેના કર્મચારીઓને મળ્યા. આ સ્ટોર સિલેક્ટ સિટી મોલ, સાકેતમાં ખુલ્લો છે. આ કાર્યક્રમ માટે ટિમ કૂક બુધવારે જ દિલ્હી પહોંચી ગયો હતો. એપલે ભારતમાં ભાષાકીય વિવિધતાને ધ્યાનમાં રાખીને તેના સ્ટોર્સમાં ખાસ વ્યવસ્થા કરી છે. દિલ્હીના સાકેત સ્ટોરમાં 18 રાજ્યોના 70 થી વધુ કર્મચારીઓ કામ કરે છે જેઓ 15 થી વધુ ભાષાઓ બોલી શકે છે.

In Awe-apple 

With the legendary @tim_cook at the Apple Saket launch this am ! @Apple @AppleEDU @ApplePodcasts @AppleNews @AppleMusic #AppleSaket #apple #appleindia #launch #appleaddict pic.twitter.com/D9Ny89hnkR

— Reeti Sahai (@defaultrunner) April 20, 2023

નોંધપાત્ર રીતે, એપલ સ્ટોરનો હેતુ એપલ ઉત્પાદનોને સીધું વેચવાનો, તેમની સેવાઓ અને અન્ય એસેસરીઝને દિલ્હી અને આસપાસના વિસ્તારો અને રાજ્યોના લોકોને સીધા ઉપલબ્ધ કરાવવાનો છે. એપલના રિટેલના વરિષ્ઠ વાઇસ પ્રેસિડેન્ટ ડેરડ્રે ઓ’બ્રાયને જણાવ્યું હતું કે, “અમે દિલ્હીમાં અમારા ગ્રાહકો માટે Appleની શ્રેષ્ઠ પ્રોડક્ટ્સ લાવવા માટે રોમાંચિત છીએ.

42 લાખ રૂપિયા મહિનાનું ભાડું
સાકેતમાં એપલ સ્ટોર મુંબઈમાં એપલ BKC સ્ટોર કરતાં થોડો નાનો છે. એપલના સ્ટોરનો બાહ્ય દેખાવ તેજસ્વી રંગોમાં ડિઝાઇન કરવામાં આવ્યો છે. અહીંનો પ્રવેશ દિલ્હીના કિલ્લાના દરવાજા જેવો જ લાગે છે. અગાઉ, ભારતમાં કંપનીનો પ્રથમ સ્ટોર BKC, મુંબઈમાં ખોલવામાં આવ્યો હતો. માહિતી અનુસાર, મુંબઈમાં સ્ટોરને 42 લાખ રૂપિયાના માસિક ભાડા પર 133 મહિનાના લીઝ પર લેવામાં આવ્યો છે, જેને વધુ 60 મહિના સુધી વધારી શકાય છે.

ટિમ કુકે બુધવારે સાંજે પીએમ નરેન્દ્ર મોદી સાથે મુલાકાત કરી હતી. બેઠક બાદ ટિમ કુકે ટ્વીટ કર્યું કે ઉષ્માભર્યું સ્વાગત કરવા બદલ વડાપ્રધાન મોદીનો આભાર. ભારતના ભવિષ્ય પર ટેક્નોલોજીની સકારાત્મક અસર અંગે અમે તમારા વિઝનને શેર કરીએ છીએ. પીએમ મોદીએ પણ ટ્વીટ કર્યું હતું કે ટિમ કુક સાથે મુલાકાત કરીને આનંદ થયો. ઘણા વિષયો પર મંતવ્યોનું આદાન-પ્રદાન કરવાનો અનુભવ સારો રહ્યો.