Coke-Pepsi સાથે સીધી હરીફાઈ, મુકેશ અંબાણીએ બનાવી લીધો આ માસ્ટર પ્લાન!

કોલા માર્કેટમાં છાપ છોડવા અંબાણી તૈયાર
એશિયાના બીજા સૌથી અમીર વ્યક્તિ મુકેશ અંબાણીએ સોફ્ટ ડ્રિંક્સ માર્કેટમાં પોતાની ઓળખ બનાવવાની તૈયારીઓ તેજ કરી દીધી છે . તેમના રિલાયન્સ ગ્રુપે આ ક્ષેત્રની દિગ્ગજ કોકા-કોલા અને પેપ્સી જેવી કંપનીઓને હરાવવા માટે એક મોટી યોજના બનાવી છે. આ અંતર્ગત, તેમણે સૌપ્રથમ 70ના દાયકાની પ્રખ્યાત બ્રાન્ડ કેમ્પા કોલાને તેના પોર્ટફોલિયોમાં સામેલ કરી લીધી, જ્યારે તેણે ગુજરાત સ્થિત Sosyo હઝુરીમાં હિસ્સો ખરીદવાની જાહેરાત કરી દીધી છે.

દેશનું સોફ્ટ ડ્રિંક માર્કેટ ઘણું મોટું
બિઝનેસ ટુડેના અહેવાલ મુજબ, મુકેશ અંબાણીની રિલાયન્સ આ ક્ષેત્રના લાંબા સમયથી અગ્રણી કોકા-કોલા અને પેપ્સિકો સામે ‘બેટલ ઓફ કોલાસ’ માટે પોતાને તૈયાર કરી રહી છે. છેલ્લા છ વર્ષની વાત કરીએ તો અબજોપતિ મુકેશ અંબાણીની રિલાયન્સ અને એરટેલ, વોડાફોન અને આઈડિયા સેલ્યુલર વચ્ચે દેશના ટેલિકોમ માર્કેટ પર શાસન માટે યુદ્ધ જોવા મળ્યું હતું. પરંતુ વર્ષ 2023 માટે હવે યુદ્ધની નવી થીમ બનાવવામાં આવી છે. આ વખતે મુકેશ અંબાણીનું ધ્યાન દેશના રૂ. 68,000 કરોડના સોફ્ટ ડ્રિંક માર્કેટ તરફ વળ્યું છે.

સોફ્ટ ડ્રિંક સેક્ટરમાં સ્પર્ધા જોવા મળશે
સોફ્ટ ડ્રિંકનો બિઝનેસ સતત વધી રહ્યો છે અને તેના અગ્રણી ખેલાડીઓ કોકા-કોલા અને પેપ્સીકો છે. હવે રિલાયન્સ ઈન્ડસ્ટ્રીઝ લિમિટેડના ચેરમેન મુકેશ અંબાણી આ બંને કંપનીઓના વર્ચસ્વને જોરદાર ટક્કર આપવા જઈ રહ્યા છે. સોફ્ટ ડ્રિંક માર્કેટમાં જોરશોરથી પ્રવેશવાની તૈયારીમાં, રિલાયન્સ સતત એવી કંપનીઓ ખરીદી રહી છે જે તેને કોકા-કોલા અને પેપ્સિકોની સામે મજબૂતીથી રાખી શકે. આ પ્લાન હેઠળ તેણે સૌથી પહેલા ગયા વર્ષે કેમ્પા કોલા ડીલ કરી હતી.

જામનગરઃ સતત 6 કલાકથી ફ્લાઈટમાં બોમ્બની તપાસ શરૂ, યાત્રિઓના સામાનનું ચેકિંગ યથાવત

ઈન્ટરનેશનલ ફ્લાઈટમાં બોમ્બ હોવાના સમાચાર મળતા જ ચકચાર મચી ગઈ હતી. જામનગર એરપોર્ટ પર બોમ્બની શોધખોળ તપાસ ચાલુ જ છે. તેને નિષ્ક્રિય કરવા માટે અત્યારે ટીમ તૈનાત કરી દેવામાં આવી છે. પ્રાપ્ત થતી માહિતી પ્રમાણે છેલ્લા 6 કલાકથી સતત એન.એસ.જીનું ઓપરેશન ચાલુ હતું. મોસ્કોથી ગોવા જઈ રહેલી ફ્લાઈટનું ઈમરજન્સી લેન્ડિંગ કરવું પડ્યું હતું, કારણ કે એમાંથી બોમ્બ હોવાની માહિતી મળી હતી.

શેરીમાં રમતી બાળકી પર કૂતરાએ હૂમલો કર્યો, બચાવવા આવેલી મહિલાને પણ ભર્યું બચકું

અત્યારે રાજ્યમાં રખડતા ઢોરની સાથે કૂતરાઓની મુશ્કેલીઓ પણ વધી રહી છે. ગલીના કૂતરાઓ અવાર નવાર નાના બાળકો કે પછી ઉંમરલાયક કોઈપણ વ્યક્તિ પર હુમલો કરી દેતા હોય છે. આવો જ એક કિસ્સો આજે સુરતની હંસપૂરા સોસાયટીમાં બન્યો છે. એક શેરીના કૂતરાએ નાની બાળકી પર હુમલો કરી દેતા ચકચાર મચી ગઈ છે. અત્યારે બાળકીના ગાલ પર એવું બચકુ કૂતરાએ ભર્યું છે કે તેને હોસ્પિટલમાં દાખલ કરવાની ફરજ પડી ગઈ છે.